ब्याडमिन्टन कभर्डहलको काम अन्तिम चरणमा, सातै राष्ट्र सहभागी हुने
<p>काठमाडौं। १३औं दक्षिण एशियाली खेलकुद (साग) लाई लक्षित गरी निर्माण गरिएको ब्याडमिन्टन कभर्डहलको काम अन्तिम चरणमा पुगेको छ।</p>
<p>कास्की ब्याडमिन्टन संघका अध्यक्ष डम्बरसिंह गुरूङले हल बनाउने काम सकिएको र अब म्याट राख्ने तथा सरसफाइ गर्ने काम मात्र बाँकी रहेको बताए। </p>
<p>कभर्डहलमा कार्यालय, सूचना कक्ष, प्राविधिक कक्ष, स्टोर रुम, वार्मअप कक्षका साथै चारवटा कोर्ट छ।</p>
<p>सागमा भने तीनवटा कोर्ट मात्र प्रयोग हुनेछ।</p>
<p>अध्यक्ष गुरूङका अनुसार कभर्डहल निर्माणमा साढे चार करोड रुपैयाँ खर्च लागेको छ।</p>
<p>ब्याडमिन्टनमा नेपालको तर्फबाट २५ जना खेलाडी समान १० महिला र पुरूष खेलाडीले प्रतिस्पर्धा गर्नेछन्।</p>
<p>प्रतियोगितामा भारतबाट २०, पाकिस्तानबाट १३, बंगलादेशबाट १६, श्रीलंकाबाट १७ र माल्दिभ्सबाट १७ सदस्यीय ब्याडमिन्टन टोली नेपाल आउनेछन्।</p>
<p>पोखरामा हुने ब्याडमिन्टन १५-२० मंसीरसम्म सञ्चालन हुनेछ।</p>
<p>टीम स्पर्धातर्फ १५ मंसीरमा महिला तथा पुरुष क्‍वार्टरफाइनलका खेल हुनेछन्।</p>
<p>१६ मंसीरमा सेमिफाइनल र फाइनल खेल हुनेछ।</p>
<p>१७ मंसीरमा व्यक्तिगत स्पर्धाअन्तर्गत महिला, पुरूषको एकल र युगल तथा मिक्स डबलको खेल शुरू हुनेछ।</p>
<p>१८ मा क्‍वार्टरफाइनल, १९ मंसीरमा सबै स्पर्धाका सेमिफाइनल खेल हुनेछन्।</p>
<p>२० मंसीरमा ब्याडमिन्टनको सबै स्पर्धाका फाइनल खेल हुने प्राविधिक समिति संयोजक विद्याप्रसाद मरासिनीले जानकारी दिए।</p>
प्रतिक्रिया दिनुहोस्
.jpg)
