एक अर्ब २९ करोडभन्दा बढी राजश्व चुहावट अभियोगमा २१ जनाविरुद्ध मुद्दा
<p>काठमाडौं। राजश्‍व अनुसन्धान विभागले नक्कली बील प्रयोग गरी एक अर्ब २९ करोड रूपैयाँभन्दा बढी धेरै राजश्‍व चुहावट गरेको अभियोगमा काठमाडौं जिल्ला अदालतमा २१ जनाविरुद्ध मुद्दा दायर गरेको छ। </p>
<p>विभागले कसुरमा संलग्न रहेको भन्दै दुई मुख्य व्यक्तिसहित चार्टर्ड एकाउण्टेन्ट, लेखापरीक्षक र कर सहयोगीसमेतलाई प्रतिवादी बनाएको आजको गोरखापत्रमा समाचार छ। </p>
<p>विभागले एक अर्ब २९ करोड ३६ लाख रूपैयाँ राजश्व चुहावट गरेको मुद्दामा ललितपुरको धोबिघाट बस्ने विनोद अग्रवाल र ललितपुरको हात्तीवन बस्ने विकास अग्रवाललाई मुख्य योजनाकार भएको दाबी गरेको छ।</p>
<p>विभागको अनुसन्धानमा उनीहरूले निम्न आर्थिक अवस्था भएका मजदूरको नाममा फर्म दर्ता गर्ने र ती फर्ममार्फत नक्कली भ्याट बील प्रयोग गर्ने गरेको खुलेको जनाइएको छ। </p>
<p>उनीहरूले विभिन्न व्यक्तिका नाममा १३ वटा फर्म तथा कम्पनी दर्ता गरेका छन्। </p>
प्रतिक्रिया दिनुहोस्
.jpg)
