धरानमा चन्द समूहका ९ जना कार्यकर्ता प्रेसर कुकरसहित पक्राउ
<p>काठमाडौं। उपनिर्वाचनलाई लक्षित गरेर चुनावविरोधी गतिविधि गरिरहेका नेत्रविक्रम चन्द नेतृत्वको नेपाल कम्युनिष्ट पार्टीका ९ जना कार्यकर्ता सुनसरीको धरानमा पक्राउ परेका छन्।</p>
<p>उनीहरुको साथबाट १ वटा प्रेसर कुकरसमेत बरामद गरिएको छ।</p>
<p>प्रेसर कुकर बम बनाउन ल्याइएको प्रहरीको प्रारम्भिक अनुसन्धानबाट खुलेको इलाका प्रहरी कार्यालय, धरानका डीएसपी ढुण्डीराज न्यौपानेले बताए। </p>
<p>धरान उपमहानगरपालिकामा १४ मंसीरमा मेयर पदको लागि उपनिर्वाचन हुँदैछ।</p>
<p>पक्राउ पर्नेहरुमा संखुवासभा सिलिचौंङ गाउँपालिका-३, ताम्कुका सुवास राई, दिपेन्द्र राई, प्रवीन राई, उदीप रसाइली, उमेश राई, पदम राई, महेन्द्र राई छन्।</p>
<p>त्यस्तै धरान-८ भोटेपुलका संजेश राई र रमेश भन्ने कुमार ढकाललाई पक्राउ गरिएको छ। </p>
<p>९ मंसीर साँझ धरान उपमहानगरपालिका-१५ स्थित नरेश लिम्बुको घरबाट पक्राउ परेका उनीहरुबाट चन्दा रसीद तथा चन्दा माग गर्दै व्यापारीहरुलाई लेखिएको चिठ्ठीहरु, एक लाख १२ हजार ५०० रुपैयाँ, मोवाइल सेट १० थान, मोवाइलको सीम १२ थान र २ वटा मोटरसाइकल बरामद गरिएको छ। </p>
प्रतिक्रिया दिनुहोस्
.jpg)
