नेपाल–भारत पारवहन सन्धि पुनरावलोकन बैठक जारी
<p>काठमाडौं। नेपाल-भारत पारवहन सन्धि पुनरावलोकन बैठक काठमाडौंमा शुरू भएको छ। </p>
<p>नेपाललाई तेस्रो मुलुकसँग व्यापारका लागि पहुँच विस्तार गर्न साथै नेपाल-भारतबीचको व्यापारमा सहजीकरण वृद्धिबारे बैठकमा छलफल हुनेछ। </p>
<p>जल मार्ग र थप नयाँ बन्दरगाह प्रयोगबारे सन्धिमा समावेश हुने विषयलाई बैठकले अन्तिम रूप दिने उद्योग, वाणिज्य तथा आपूर्ति मन्त्रालयका सहसचिव नवराज ढकालले बताए।</p>
<p>बैठकको अजेन्डामा हल्दिया–साहिवगञ्ज–कालुघाट जलमार्ग तथा गुजरातको मुन्द्रा र उडिसाको धाम्रा बन्दरगाह प्रयोगको विषय छ। </p>
<p>त्यस्तै बैठकको कार्यसूचीमा विद्युतीय कार्गो निगरानी प्रणाली (ईटीएस) सम्बन्धी छलफल पनि छ। </p>
<p>दुई दिन सञ्चालन हुने सहसचिवस्तरीय सो बैठकमा नेपाली पक्षको नेतृत्व उद्योग वाणिज्य तथा आपूर्ति मन्त्रालयका सहसचिव नवराज ढकाल र वाणिज्य विभागका एडिसनल सेक्रेटरी भूपिन्दर सिंह भल्लाले भारतीय पक्षको नेतृत्व गरेका छन्। </p>
प्रतिक्रिया दिनुहोस्
.jpg)
