बालकोटको कपास उद्योगमा आगलागी
<p>भक्तपुर। भक्तपुरको सूर्यविनायक नगरपालिका–दुई बालकोटमा कपास उद्योगमा आज बिहान आगलागी भएको छ। </p>
<p>सरिता चौलागाईंले सञ्‍चालन गरेको उद्योगमा कोही कामदार नभएको बेलामा विहान पाँच बजे आगो सल्किएको हो। आगलागीको कारण भने खुलेको छैन। आगलागीको क्रममा उद्योगमा रहेको ग्यास सिलिन्डर विस्फोट भएपछि क्षती झनै बढेको महानगरीय प्रहरी बृत्त ठिमीले जनाएको छ।</p>
<p>काठमाडौँ र भक्तपुरको वारूणयन्त्र, नेपाली सेना, प्रहरी र स्थानीय बासिन्दाको सहयोगमा विहान आठ बजेर ३० मिनेटमा आगो नियन्त्रणमा आएको प्रहरीले जनाएको छ। आगोबाट कारखानामा रहेका कपडा, कपास, कपास बनाउने मेशिन जलेर नष्‍ट भएको छ । प्रहरी टोलीबाट घटनास्थलमा मुचुल्का तयारी भइरहेकाले क्षतीको विवरण भने यकिन हुन बाँकी छ। </p>
प्रतिक्रिया दिनुहोस्
.jpg)
