रसुवागढी–काठमाडौं रेलमार्गको सम्भाव्यता अध्ययन तत्काल शुरू हुने (भिडिओसहित)
<p>काठमाडौं। रसुवागढी–काठमाडौं जोड्ने क्रसबोर्डर रेलमार्गको सम्भाव्यता अध्ययन थालिहाल्न सहमति जुटेको भौतिक पूर्वाधार तथा यातायात सचिव देवेन्द्र कार्कीले बताएका छन् । </p>
<p>आज सिंहदरबारमा नेपाली र चिनियाँ अधिकारीहरूबीच भएको छलफलमा विस्तृत सम्भाव्यता अध्ययनका लागि सहमतिमा हस्ताक्षर भएको उनले बताए । </p>
<p>“रसुवागढीदेखि काठमाडौं जोड्ने क्रसबोर्डर रेल वे बारे धेरै पहिलेदेखि बैठक गर्दै आएका थियौं । चीनका महामहिम राष्ट्रपतिको भ्रमणको क्रममा भएको एमओयू कार्यान्वयनका लागि अहिले पाँचौं वैठक बसेको हो”, उनले भने, ”, उनले भने, “विस्तृत सम्भाव्यता अध्ययन गर्दा नेपाल र चिनियाँ पक्षका गर्नुपर्ने दायित्व के हुने भन्नेमा सहमति जुटेको छ ।”</p>
<p>उनका अनुसार चिनियाँ पक्षले एरियल म्यापिङ सर्भे र भौगर्भिक अध्ययन शुरु गर्नेछन् भने नेपालले वातावरणिय प्रभाव मूल्यांकनदेखि सुरक्षा उपलब्ध गराउनेसम्मका दायित्वमा प्रतिबद्धता जनाएको छ ।</p>
<p>“यी बुँदामा सहमत भयौं । त्यसमा माइन्यूट नै गरिसक्यौं । अब तत्कालै काम शुरू हुन्छ, तुरुन्तै शुरु हुन्छ,” उनले भने, “त्यसका एउटा कार्यतालिका बन्छ, त्यसै अनुसार फटाफट काम हुन्छ ।”</p>
<p>उनले ‘फिजिबलिटी स्टडी’ गर्ने भनिए पनि चिनियाँहरूले ‘डिटियल प्रोजेक्ट रिपोर्ट’ स्तरकै अध्ययन गर्ने उनले बताए । “स्थलगत रूपमा गर्नुपर्ने सबै काम यसै अध्ययनमा सकिन्छ,” उनले भने । </p>
<p><iframe frameborder="0" height="315" scrolling="no" src="https://www.youtube.com/embed/CuBl_b8qw2k" width="560"></iframe></p>
प्रतिक्रिया दिनुहोस्
.jpg)
