नक्कली भ्याटमा ११ अर्बको मुद्दा
<p>काठमाडौं। राजश्व अनुसन्धान विभागले ११ अर्ब रूपैयाँ राजश्व छलीको अनुसन्धान टुंग्याएको छ। </p>
<p>गत वर्ष शुरू गरिएको नक्कली भ्याट बिल (मूल्य अभिवृद्धि कर बिजक) को अनुसन्धानमा विभागले छ अर्ब ८२ करोड रूपैयाँ बिगो दाबीसहित मुद्दा दायर गरिसकेको छ। </p>
<p>थप मुद्दा दायर गर्ने तयारी भइरहेको महानिर्देशक दीर्घराज मैनालीले बताए। </p>
<p>नक्कली भ्याट बिल कारोबारमा उच्चतम कारोबार गर्ने फर्मले ७० करोडसम्म कारोबारमा मुद्दा खेप्नुपर्नेछ।</p>
<p>विक्रेता फर्मले उनीहरूसँग वस्तु किन्ने कम्पनीका नाममा देखाएको कारोबार उक्त फर्महरूसँग भिडाउँदा नमिलेपछि खातापाता नियन्त्रमा लिएर अनुसन्धान थालेको आजको अन्नपूर्ण पोष्टमा समाचार छ।</p>
<p>यसमा १२५ विक्रेताले कारोबार देखाएको ९०० खरिदकर्ता फर्म छन्।</p>
<p>अनुसन्धानकै क्रममा विभागले नक्कली भ्याट बिल उत्पादन गरेर बिक्री गर्ने तीन गिरोहलाई नियन्त्रणमा लिई अनुसन्धानपछि मुद्दा दायर गरिएको छ। </p>
<p>नक्कली भ्याट बिल बनाएर वस्तु आयात गर्दा राखेको भ्याट क्रेडिट मिलान गरी उल्टै सरकारलाई ठग्ने काम भएको छ।</p>
<p>कतिपयले भने वस्तु बिक्री गरेर उपभोक्ताबाट भ्याट उठाएर पनि सरकारलाई बुझाएका छैनन्।<br />
</p>
प्रतिक्रिया दिनुहोस्
.jpg)
