प्रधानमन्त्रीको स्वास्थ्यमा सुधार, चिकित्सक भन्छन्- 'गुड इम्प्रुभमेन्ट'
<p>काठमाडौं। प्रधानमन्त्री केपी शर्मा ओलीको स्वास्थ्यमा सुधार भएको छ। </p>
<p>स्वास्थ्यमा सुधार भएसँगै प्रधानमन्त्री ओलीलाई दिइएको 'लाइफ सपोर्ट' उपकरणसहितको उपचार पद्दति पनि हटाइएको अस्पताल स्रोतले जनाएको छ।</p>
<p>प्रधानमन्त्री ओलीको स्वास्थ्यमा राम्रो सुधार भएको उपचारमा संलग्न चिकित्सकले बताएका छन्।</p>
<p>त्रिवि शिक्षण अस्पतालका ग्याष्ट्रोइन्टेरोलोजी, पित्त तथा कलेजो प्रत्यारोपण सर्जन प्राध्यापक डा. रमेशसिंह भण्डारीको नेतृत्वमा रहेको चिकित्सकको टोलीले १० मंसीरमा प्रधानमन्त्री ओलीको एपेण्डिसाइटिसको शल्यक्रिया गरेको थियो। </p>
<p>१० मंसीर बिहान पेट दुखेपछि प्रधानमन्त्री ओली उपचारका त्रिवि शिक्षण अस्पताल महाराजगंजस्थित मनमोहन कार्डियोथोरासिक एण्ड भास्कुलर ट्रान्सप्लान्ट सेन्टर गएका थिए।</p>
<p>दिउँसो १२:४५ मा शल्यक्रिया भएपछि राम्रोसँग होसमा नआएका प्रधानमन्त्री ओली अहिले पूर्ण होसमा रहेको सचिवालय स्रोतले बतायो।</p>
<p>प्रम ओलीलाई अस्पतालको सघन उपचार कक्षमा राखिएको छ।</p>
प्रतिक्रिया दिनुहोस्
.jpg)
