पोखरामा नेकपाको चुनावी सभा नजिकै बम विस्फोट
<p>काठमाडौं। पोखरामा सत्तारुढ नेपाल कम्युनिष्ट पार्टी (नेकपा) को चुनावी सभा भइरहेको स्थान नजिक बम विस्फोट भएको छ। </p>
<p>पोखराको नयाँ बजारनजिकै रहेको प्रदर्शनीस्थलको बाहिर बम विस्फोट भएको गण्डकीका प्रहरी प्रमुख डीआईजी विनोद शर्मा घिमिरेले बताए।</p>
<p>“बम विस्फोट भएको हो, तर क्षति केही भएको छैन,” उनले भने,“सुरक्षाव्यवस्था कडा बनाइएको छ।”</p>
<p>सभामा नेकपा संसदीय दलका नेता सुवासचन्द्र नेम्वाङले सम्बोधन गरिरहेकै बेला विस्फोट भएको हो।</p>
<p>सोही सभालाई नेकपाका अध्यक्ष पुष्पकमल दाहालले अहिले सम्बोधन गरिरहेका छन्। </p>
<p>उपनिर्वाचन अन्तर्गत कास्की–२ को प्रतिनिधिसभा सदस्य पदका १४ मंसीरमा मतदान हुँदैछ। </p>
<p>आज राति १२ बजेदेखि मौन अवधि शुरु हुने भएकाले प्रचारप्रसारको अन्तिम दिन आज नेकपाले चुनावी सभा गरेको हो। <br />
</p>
प्रतिक्रिया दिनुहोस्
.jpg)
