कांग्रेस सभापति देउवाले प्रधानमन्त्रीको स्वास्थ्यबारे जानकारी लिए
<p>काठमाडौं। प्रमुख प्रतिपक्षी दल नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीको स्वास्थ्य अवस्थाबारे जानकारी लिएका छन्। </p>
<p>प्रधानमन्त्री ओली उपचाररत त्रिवि शिक्षण अस्पतालको मनमोहन कार्डियोथोरासिक भास्कुलर तथा ट्रान्सप्लान्ट सेन्टर पुगेर देउवाले प्रधानमन्त्रीको स्वास्थ्यबारे जानकारी लिएका हुन्। </p>
<p>देउवाले प्रधानमन्त्री ओलीको उपचारमा संलग्न चिकित्सकहरूसँग भेटर उनको स्वास्थ्य अवस्थाबारे चासो राखेको देउवाका सहयोगी भानु देउवाले <em>देखापढी</em>लाई जानकारी दिए। </p>
<p>उनका अनुसार देउवाले उपचारमा संलग्न चिकित्सक र प्रधानमन्त्रीका सल्लाहकार विष्णु रिमालसँग भेटेका छन्। </p>
<p>प्रधानमन्त्री ओलीलाई सेन्टरको सघन उपचार कक्षमा राखेर उपचार भइरहेको छ। उनलाई चिकित्सकहरुबाहेक अरुलाई भेट्न दिइएको छैन।</p>
<p>प्रधानमन्त्रीको स्वास्थ्यमा सुधार भइरहेको उपचारमा संलग्न चिकित्सकहरूले बताएका छन्। </p>
<p>प्रधानमन्त्री ओलीको १० मंसीरमा एपेन्डिसाइटिसको अप्रेसन गरिएको थियो।<br />
</p>
प्रतिक्रिया दिनुहोस्
.jpg)
