नेपाल र बंगलादेशको महिला भलिबल टोलीबीच खेल शुरू
<p>काठमाडौं। १३औं दक्षिण एशियाली खेलकुद (साग) उद्घाटन हुन चार दिन बाँकी नै रहे पनि सागको महिला भलिबल खेल आजदेखि शुरू भएको छ।</p>
<p>दशरथ रंगशालास्थित कभर्डहलमा अहिले नेपाल र बंगलादेशको महिला भलिबल टोलीबीच प्रतिस्पर्धा भइरहेको छ।</p>
<p>दक्षिण एशियाली खेलकुदको कुम्भमेला सागको औपचारिक उद्घाटन १५ मंसीरमा त्रिपुरेश्वरस्थित दशरथ रंगशालामा हुनेछ।</p>
<p>भलिबल, उसु र पाराग्लाइडिङ भने सागको औपचारिक उद्घाटनअघि नै हुने तय थियो।</p>
<p>तथापि आवश्यक टोलीको सहभागिता हुन नसकेपछि पाराग्लाइडिङ नहुने भएको छ।</p>
<p style="text-align:center"><img alt="" height="378" src="https://www.dekhapadhi.com/storage/photos/shares/Sports/saag_volleyball/saag_volleyball_4.jpg" width="840" /></p>
<p>उसु १३ मंसीरबाट लगनस्थित नेपाली सेनाको शारीरिक सुगठन तथा प्रशिक्षण केन्द्रमा हुनेछ।</p>
<p>युवा तथा खेलकुदमन्त्री जगतबहादुर सुनारले मुख्य रेफ्रीलाई बल हस्तान्तरण गरेका भलिबलको उद्घाटन गरेका हुन्।</p>
<p>समुह 'ए' मा रहेको नेपालले उद्घाटन खेलमा बंगलादेशलाई पराजित गरे सेमिफाइनलको यात्रा पक्का गर्नेछ।</p>
<p>नेपालले भाेलि, १२ मंसीरमा भारतलाई पराजित गरे समूह विजेताको हैसियतमा अन्तिम चारमा स्थान बनाउनेछ।</p>
<p>यद्यपि भलिबलको औपचारिक उद्घाटन हुँदासम्म भारतीय टोली नेपाल आइपुगेको छैन।</p>
<p style="text-align:center"><img alt="" height="560" src="https://www.dekhapadhi.com/storage/photos/shares/Sports/saag_volleyball/saag_volleyball_2.jpg" width="840" /></p>
<p>आजै पुरूष भलिबलले पनि बंगलादेशविरूद्ध खेल्दै प्रतियोगिताको सुरूआत गर्नेछ।</p>
<p>नेपाली पुरूष टोली रहेको समूह 'ए' मा पनि बंगलादेश र भारत छ।</p>
<p>महिला पुरूष दुवै टोलीको समूह 'बी' मा माल्दिभ्स, श्रीलंका र पाकिस्तान छ।</p>
<p>तथापि महिलातर्फ पाकिस्तानको सहभागिता छैन।</p>
<p>बंगलादेशसँग खेल्नुअघि महिला टोलीकी कप्तान अरुणा शाहीले भनेकी छन्, “घरेलु कोर्टमा यति ठूलो प्रतियोगिता खेल्न पाउँदा सबै एकदमै उत्साहित छौं।”</p>
<p>गत महीना बंगलादेशमा सम्पन्न एभिसी सेन्ट्रल जोन सिनियर महिला भलिबलको उपाधि जितेपछि सागमा नेपाली टोलीप्रति अपेक्षा बढेको छ।</p>
<p>सँधै कास्यमा चित्त बुझाएको महिला भलिबलबाट नेपालले यसपटक कम्तीमा पनि रजत पदकको आश गरेको छ।</p>
<p style="text-align:center"><img alt="" height="560" src="https://www.dekhapadhi.com/storage/photos/shares/Sports/saag_volleyball/saag_volleyball_3.jpg" width="840" /></p>
<p>त्यसैले खेलाडीमाथि दबाब पनि उत्तिकै छ।</p>
<p>“फाइनल त जसरी पनि खेल्नुपर्छ”, कप्तान अरुणा भन्छिन्, “हाम्रो लक्ष्य स्वर्ण पदक नै छ।”</p>
<p>साउन पहिलो साताबाट बन्द प्रशिक्षणमा बसेको महिला भलिबल टोलीले थाइल्यान्डमा तीन साता प्रशिक्षण गरेको थियो।</p>
<p>पछिल्लो पटक सन् १९९९ मा नेपालले दोस्रो पटक सागको आयोजना गरेको थियो।</p>
<p>नेपालबाट १९८४ मा पहिलो पटक भएको साग तेस्रो पटक नेपालमा हुन लागेको हो। दुई दशकपछि घरेलु मैदानमा प्रतियोगिता हुँदा नेपाली खेलाडी पनि उत्साहित छन्।</p>
.jpg)
