चिलिमे जलविद्युत्ले २५ प्रतिशत लाभांश वितरण गर्ने
<p>काठमाडौं। चिलिमे जलविद्युत कम्पनीले २५ प्रतिशत लाभांश वितरण गर्ने भएको छ।</p>
<p>कम्पनीको आज बसेको २३औं वार्षिक साधारणसभाले २० प्रतिशत बोनस शेयर र कर प्रयोजनसहित ५ प्रतिशत नगद लाभांश वितरण गर्ने सञ्चालक समितिको प्रस्ताव पारित गरेको हो। </p>
<p>चार अर्ब ७५ करोड ८१ लाख रूपैयाँ बराबरको पूँजी रहेको चिलिमेको बोनस शेयर वितरणपश्चात चुक्ता पूँजी ५ अर्ब ७० करोड रूपैयाँ पुग्ने छ। </p>
<p>साधारणसभामा नेपाल विद्युत प्राधिकरणका कार्यकारी निर्देशक तथा चिलिमे जलविद्युत कम्पनीका अध्यक्ष कुलमान घिसिङले चिलिमेले तुलनात्मक रूपमा विगतमा भन्दा लाभांश बढाउँदै गएको बताए।</p>
<p>उनले चिलिमे अन्तर्गतका अन्य आयोजनाहरूको निर्माण कार्य सम्पन्न हुने अवस्थामा रहेको बताउँदै केही वर्षपछि लाभांश वितरण गर्ने क्षमता बढ्ने समेत बताए। </p>
<p>घिसिङले चिलिमे अन्तर्गतका निर्माणाधिन आयोजनाहरूको निर्माण कार्य ५० देखि ८५ प्रतिशतसम्म सम्पन्न भएको जानकारी गराए।</p>
<p>चिलिमे अन्तर्गत सान्जेन तथा माथिल्लो सान्जेन जलविद्युत आयोजना, मध्य भोटेकोशी जलविद्युत आयोजना र रसुवागढी जलविद्युत आयोजना निर्माणधिन अवस्थामा रहेका छन्।</p>
प्रतिक्रिया दिनुहोस्
.jpg)
