बंगलादेशमा अतिवादी समूहका सातजनालाई मृत्युदण्डको सजाय
<p>ढाका। बंगलादेशको एक अदालतले मुस्लिम अतिवादी समूहमा आबद्ध सातजनालाई मृत्युदण्ड दिने फैसला सुनाएको छ।</p>
<p>बंगलादेशको राजधानी ढाकास्थित एक क्याफेमा सन् २०१६ मा भएको आक्रमणमा १८ जना विदेशीसहित २२ जनाको हत्या गरेको यस समूहमाथि आरोप छ।</p>
<p>राजधानी ढाकाको एक खचाखच भरिएको इजलासमा न्यायाधीश मोजिबुर रहमानले सातैजनालाई मृत्युदण्ड दिने सजाय सुनाएका थिए। </p>
<p>न्यायाधीश रहमानले इस्लामिक स्टेट समूहमा आबद्ध रहेर उक्त समूहका सदस्यहरूले बंगलादेशमा आतंक मच्चाउन खोजेको बताएका थिए।</p>
<p>न्यायाधीश रहमानले सातैजनालाई झुण्ड्याएर मृत्युदण्ड दिन आदेश दिएका हुन्। </p>
<p>पक्राउ परेका आठौं व्यक्तिलाई भने थुनामुक्त गरिएको थियो ।</p>
<p>सन् २०१६ जुलाईमा ढाकास्थित होली आर्टिजन बेकरी क्याफेमा अत्याधुनिक राइफलसहितका इस्लामिक जिहादी युवाले अन्धाधुन्ध गोली चलाई विदेशी नागरिकको हत्या गरेका थिए।</p>
<p>विदेशी नागरिकहरू भेला हुने यो ढाकाको चर्चित स्थान हो।</p>
<p>मृत्यु भएकाहरूमा सातजना जापानी र ९ जना इटालीका नागरिक थिए।</p>
<p>यस आक्रमणका क्रममा दुईजना बंगलादेशी प्रहरी पनि परेका थिए ।</p>
<p>क्याफेलाई करीब १० घण्टा बन्धक बनाएका इस्लामिक जिहादीलाई सैनिक कमान्डोले मुक्त गरेका थिए।</p>
<p>जिहादी समूहले दुई दर्जनभन्दा बढी विदेशीलाई बन्धक बनाएका थिए।</p>
<p>सैनिक कारबाहीमा पाँचैजना आक्रमणकारी मारिएका थिए।</p>
<p>यस आक्रमणबाट बंगलादेशमा इस्लामिक चरमपन्थ विरुद्ध तनाव उत्पन्न भएको थियो।</p>
<p>बंगलादेश सरकारले यस आक्रमण लगत्तै देशव्यापी धरपकड र कारबाही शुरू गरेको थियो, जसबाट १०० बढी इस्लामिक अतिवादी मारिनुका साथै झण्डै एक हजार जना पक्राउ परेका थिए।</p>
<p>आक्रमणकारीको खोजीका क्रममा आठजना ढाकामा मारिएका थिए, जसमा घटनाका मुख्य योजनाकार बंगलादेशी मुलका क्यानाडाली नागरिक तमिम अहमद चौधरी पनि थिए।</p>
<p>कारबाहीमा अतिवादी समूह जमेतुल मुजाहिद्दीन बंगलादेशका कमान्डर पनि मारिएका थिए। <em>(रासस-एएफपी)</em></p>
प्रतिक्रिया दिनुहोस्
.jpg)
