पाेखरामा विस्फोट गराएकाे आराेपमा एकजना पक्राउ
<p>पाेखरा। पोखरा महानगरपालिका–९, नयाँबजारस्थित प्रदर्शनी केन्द्र नजिक भएको शङ्कास्पद वस्तु विस्फोटन गराएको आराेपमा प्रहरीले एकजनालाई पक्राउ गरेको छ।</p>
<p>गण्डकी प्रदेश प्रहरी कार्यालयका अनुसार आज दिउँसो १२ः४७ बजेको समयमा विस्फोट भएलगत्तै ती व्यक्तिलाई पक्राउ गरिएकाे हाे।</p>
<p>फोहरको थुप्रोमा शङ्कास्पद वस्तु विस्फोट हुँदा पाँच व्यक्ति घाइते हुनाका साथै सो स्थानमा पार्किङ गरी राखिएका दुई बसको पछिल्लो भागका सिसा फुटेका प्रहरी उपरीक्षक दीपक रेग्मीले जानकारी दिए।</p>
<p>विस्फोटसँगै भागदौडका क्रममा पोखरा–१५, गलेश्वर बस्ने ५५ वर्षीय धनमाया सुनार, ४५ वर्षीया रमिला सार्की, ५५ वर्षीया जानकी पोखरेल र ५७ वर्षीया पूर्णमाया विश्वकर्मा र वडा नम्बर १० की ५४ वर्षीय कृष्ण गुरुङ अधिकारी घाइते भएकाे प्रहरीले जनाएको छ।</p>
प्रतिक्रिया दिनुहोस्
.jpg)
