कानूनमन्त्री यादवले भने- जिम्मेवारी हेरफेरबाट अपमान भएको छैन
<p>धनुषा। उपप्रधानमन्त्री एवं कानून, न्याय तथा संसदीय मामिलामन्त्री उपेन्द्र यादवले मन्त्रिपरिषद्‌मा आफ्नो जिम्मेवारी हेरफेर अपमानको विषय नभएको स्पष्ट पारेका छन्। </p>
<p>जनकपुरमा आज सञ्चारकर्मीसँग कुरा गर्दै उपप्रधानमन्त्री यादवले जिम्मेवारी हेरफेर सामान्य प्रक्रिया भएको बताए। उनले मन्त्रिपरिषद्‌मा आफ्नो जिम्मेवारी हेरफेरका सन्दर्भमा चर्चामा रहेको प्रसङ्ग भ्रामक भएको टिप्पणी गरे। </p>
<p>उपप्रधानमन्त्री यादवले आफूसँग गौर हत्या काण्डको प्रसङ्ग उल्लेख गरी मधेशलाई दबाउने मनसाय राख्नु गलत मानसिकता भएको बताए। </p>
<p>संविधानलाई गतिशील बनाउन संशोधन आवश्यक रहेको चर्चा गर्दै उनले संविधान अपूर्ण रहेकाले संशोधन हुनैपर्ने उल्लेख गरे। </p>
<p>समाजवादी पार्टी नेपालका अध्यक्षसमेत रहेका उपप्रधानमन्त्री यादवले राष्ट्रिय जनता पार्टीले एकीकरणका लागि समाजवादी पार्टीको सरकारमा सहभागितालाई बाधक मान्न नहुने बताए। <em>रासस</em></p>
प्रतिक्रिया दिनुहोस्
.jpg)
