Others

गृहपृष्ठ

१३औं सागः राेमाञ्चक खेलमा नेपाली भलिबल टाेली बंगलादेशसँग स्तब्ध काठमाडौं। महिला भलिबल टोलीले १३औं दक्षिण एशियाली खेलकुद (साग)मा दिएको सुखद् शुरूवातलाई पुरूष टोलीले कायम राख्न सकेन। नेपालले बंगलादेशलाई ३-२ को नतिजा सुम्पियो। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा नेपालले बंगलादेशलाई  २५-२१, २३-२५, २५-१९, २४-२६, १२-१५ को नतिजा सुम्पियो। पहिलो सेटमा शुरूबाटै अग्रता लिएको नेपालले अन्तिमसम्मै त्यसलाई कायम राख्दै २५-२१ ले जितेको थियो। दोस्रो सेटमा भने बंगलादेशले शुरूबाटै अग्रता लियो। बंगलादेशले नेपाललाई पुनरागमनको मौका दिएन। २५-२३ ले आफ्नो पक्षमा पार्&zwj;यो। तेस्रो सेटमा पनि बंगलादेशले शुरूमा अग्रता लियो। १३-१३ सम्म प्रतिस्पर्धात्मक बनेको थियो। तर, त्यसपछि भने नेपालले  लगातार ४ अंक जोड्दै अग्रता लिन सफल भयो। अन्ततः  नेपालले २५-१९ को नतिजा निकाल्न सफल भयो। चौथो सेटमा नेपालले २४ अंकसम्म जोडे पनि बंगलादेशलाई रोक्न सकेन। नेपालले चौथो सेट २४-२६ ले गुमायो। निर्णायक सेटमा भने नेपालले कडा चुनौती  पेश दिन सकेन। शुरूबाटै अग्रता कायम राखेको बंगलादेशले १५-१२ ले नतिजा आफ्नो पक्षमा पार्&zwj;यो। कभर्डहलमा सम्पन्न प्रतियाेगितामा दर्शकले अन्तिमसम्म पनि टीमकाे हाैसला बढाइरहे। तर, खेल सकिएसँगै दर्शकको याे हौसला निरर्थक बन्यो। यसअघि उद्घाटन खेलमा महिला भलिबल टोलीले बंगलादेशलाई २५-९, २५-९, २५-११ को सेटमा पराजित गरेको थियो।