साग सुरक्षामा साढे १९ हजार सुरक्षाकर्मी
<p>काठमाडौं। १५ मंसीरमा औपचारिक उद्घाटन हुने १३ औं दक्षिण एशियाली खेलकुद (साग) मा नेपाल प्रहरीका आइजीपी सर्वेन्द्र खनालको नेतृत्वमा साढे १९ हजार सुरक्षाकर्मी परिचालित हुँदैछन्। </p>
<p>भित्री घेरामा प्रहरी र बाहिरी घेरामा सशस्त्र र सेना परिचालन हुने आजको नयाँ पत्रिकामा समाचार छ।</p>
<p>राष्ट्रिय अनुसन्धान विभागका कर्मचारीले सुरक्षामा आइपर्ने खतराको सम्बन्धमा सूचना संकलन र विश्लेषण गर्नेछ। </p>
<p>काठमाडौं, ललितपुरमा हुने प्रतियोगिता, खेलाडी, खेलमैदान र होटेलहरूको सुरक्षा प्रबन्ध आइजीपी खनालको प्रत्यक्ष कमाण्डमा हुनेछ।</p>
<p>जनकपुरमा हुने खेलको प्रदेश २ प्रहरी प्रमुख डीआइजी प्रद्युम्न कार्की र पोखरामा गण्डकी प्रहरी प्रमुख डीआइजी विनोद शर्मा घिमिरेले सुरक्षा नेतृत्व गर्नेछन्। </p>
<p>प्रतियोगितामा अफगानिस्तानबाहेक सार्क राष्ट्रका तीन हजार २२८ खेलाडीले प्रतिस्पर्धा गर्दैछन्। <br />
</p>
प्रतिक्रिया दिनुहोस्
.jpg)
