पाेखरामा उपनिर्वाचनकाे तयारी पूरा
<p>पाेखरा। कास्की क्षेत्र नम्बर २ मा १४ मंसीरमा हुने उपनिर्वाचनको तयारी लगभग पूरा भएको छ।</p>
<p>सो क्षेत्रका ८२ वटै मतदान केन्द्रमा मतपेटिकालगायत निर्वाचनका सम्पूर्ण सामग्रीसहित कर्मचारी र सुरक्षाकर्मी खटिसकिएको जिल्ला निर्वाचन कार्यालय, कास्की प्रमुख महेन्द्रराज सुवेदीले जानकारी गराए।</p>
<p>मतदानअधिकृतसहित खटिएको टोलीले २०७४ सालपछि थपिएका नयाँ र छुट भएका मतदाता नामावलीमा समावेश भएका मतदाताको लागि परिचयपत्र वितरण गरिरहेको छ।</p>
<p>प्रत्येक निर्वाचन केन्द्रमा एक मतदान अधिकृत, एक सहायक मतदान अधिकृत, दुई कार्यालय सहयोगी र एक सहयोगी गरी पाँचजनालाई निर्वाचनमा खटाइएको छ।</p>
<p>यसका साथै, निर्वाचन टोलीलाई सहयोग गर्न चारजना स्वयंसेवक पनि छन्।</p>
<p>यसैबीच, गएराति १२ बजेदेखि मौन अवधि शुरु भएको छ।</p>
<p>मौन अवधि दुरुपयोग गरेको सन्दर्भमा कतैबाट उजूरी नपरेको निर्वाचन कार्यालय कास्की प्रमुख सुवेदीले जानकारी दिए। <em>रासस</em></p>
प्रतिक्रिया दिनुहोस्
.jpg)
