पुनः ओरालो लाग्याे नेप्से
<p>काठमाडाैं। धितोपत्र बजारमा आज शेयर कारोबार मापक नेप्से परिसूचक पुनः ओरालो लागेको छ।</p>
<p>हिजाे उकालो लागेको बजारले पुनः आज ओरालो यात्रा तय गरेको हो।</p>
<p>नेपाल स्टक एक्सचेञ्जका अनुसार नेप्से परिसूचक ४.६७ विन्दुले घटेर एक हजार ११२.७९ मा पुगेको छ।</p>
<p>यस्तै सेन्सेटिभ परिसूचक ०.५७ विन्दुले घटेर २४६.६५ मा पुगेको छ।</p>
<p>नेप्से ओरालो लागेसँगै कारोबार रकममा समेत गिरावट आएको छ।</p>
<p>कूल १६६ कम्पनीको १२ लाख ७१ हजार ६ कित्ता शेयर २४ करोड ३३ लाख ९१ हजार ३२० रूपैयाँ मूल्यमा खरिदबिक्री भए।</p>
<p>कारोबार भएका कूल १२ उपसमूहमध्ये जीवन बीमाको मात्रै शेयर मूल्य बढ्दा अन्य ११ उपसमूहको शेयर भने आरालो लाग्यो।</p>
<p>जीवन बीमा १८.१२ विन्दुले बढेको छ।</p>
<p>यस्तै बैङ्किङ ४.२४, व्यापार २०.०९, होटल ८.६६, विकास बैंक ७.७२, जलविद्युत् ५.७६, वित्त २.१२, निर्जीवन बीमा २८.५८, उत्पादन २६.८६, अन्य २.६१, लघुवित्त ३.२३ र सामूहिक लगानी कोष ०.१४ विन्दुले घटेको छ।</p>
<p>नेप्सेका अनुसार आज कारोबारका आधारमा हिमालयन डिस्टिलरी शीर्ष स्थानमा छ।</p>
<p>सो कम्पनीको तीन करोड ३५ लाख ७५ हजार ६३ रूपैयाँ बराबरको शेयर कारोबार भयो।</p>
<p>एनएमबी बैंक तीन करोड ५९ लाख ७६ हजार ७०३, नबिल बैंक एक करोड १३ लाख ७८ हजार १११, नेपाल लाइफ इन्स्योरेन्स कम्पनी एक करोड एक लाख २० हजार ५४२ र सानिमा बैंक ९८ लाख २८ हजार ३२१ रूपैयाँ बराबरको कारोबार भई शीर्ष स्थानमा रहे।</p>
<p>नेप्सेका अनुसार आज माउण्टेन हाइड्रो ५.२६, पाँचथर पावर ५.०५, सामुदायिक लघुवित्त वित्तीय संस्था ४.१४, एक्सेल डेभलपमेन्ट बैंक ३.९३ र गुराँस लघुवित्त वित्तीय संस्थाका शेयरधनीले ३.६८ प्रतिशतले कमाए।</p>
<p>यस्तै, साल्ट टेड्रिङ कर्पोरेशन ५.९३, ग्लोबल आइएमई समुन्नत स्किम एक ५.६७, जनउत्थान सामुदायिक लघुवित्त विकास बैंक ४.२४, अरुण भ्याली हाइड्रोपावर ४.०८, नविल इक्विटी फण्डका शेयरधनीले ३.८६ प्रतिशतले गुमाए।</p>
प्रतिक्रिया दिनुहोस्
.jpg)
