काठमाडाैंमा ३८ लाख नगदसहित हुण्डी कारोबारी पक्राउ
<p>काठमाडाैं। काठमाडौं उपत्यकाभित्र गैरकानुनी रूपमा हुण्डीकाे कारोबार गर्ने दुईजना पक्राउ परेका छन्।</p>
<p>महानगरीय अपराध महाशाखाकाे टाेलीले आज दिउँसो उनीहरूलाई पक्राउ गरेकाे हाे।</p>
<p>राजश्व छली गरिरहेको भन्ने गोप्य सूचनाका आधारमा महाशाखाबाट खटिएको प्रहरी टोलीले कृष्णप्रसाद भट्टराई र अन्जनी ओभरसिजका सञ्चालक गोवर्द्धनप्रसाद सरावगीलाई पक्राउ गरेकाे हाे।</p>
<p>प्रहरीका अनुसार सरावगीले ३० लाख रकम भट्टराईलाई हुण्डी गर्न दिएका थिए।</p>
<p>त्यस्तै सरावगीबाट आठ लाख १२ हजार नगदलगायत विभिन्न व्यक्तिहरूको नाममा काटिएको चेकसहित पक्राउ गरिएकाे प्रहरीले जनाएकाे छ।</p>
<p>उनीहरूमाथि आवश्यक अनुसन्धान जारी रहेको महाशाखाले जनाएको छ।</p>
प्रतिक्रिया दिनुहोस्
.jpg)
