भारतकाे सुखद् शुरूवात, बंगलादेश साेझाे सेटमा पराजित
<p>काठमाडौं। ढिला गरी नेपाल आइपुगेको भारतीय पुरूष भलिबल टोलीले आज बंगलादेशलाई ३-० को सोझो सेटमा हराउँदै १३औं दक्षिण एशियाली खेलकुद (साग)मा सुखद् शुरूवात गरेको छ।</p>
<p>भारतीय टोली हिजाे राति मात्र नेपाल आइपुगेको थियो।</p>
<p>त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भारतले सहज जित निकालेको हो।</p>
<p>हिजाे नेपाललाई हराउँदै प्रतियोगितामा विजयी शुरूआत गरेको बंगलादेशविरूद्ध भारतले २५-१८, २५-१४ र २५-१५ को नतिजा निकालेको हो।</p>
<p>जितसँगै भारतले सेमिफाइनलको सम्भावना बलियो बनाएको छ।</p>
<p>समूह 'ए' को भारतले २ अंक जोडेको छ।</p>
<p>बंगलादेशको पनि २ अंक छ।</p>
<p>अब भारतले भाेलि, १३ मंसीरमा समूह चरणको अन्तिम खेलमा नेपालविरूद्ध खेल्नेछ।</p>
<p>नेपाल हिजाे बंगलादेशसँग ३-२ को सेटमा पराजित भएको थियो।</p>
प्रतिक्रिया दिनुहोस्
.jpg)
