उपाधिकाे दाबेदार महिला भलिबल टाेली भारतसँग स्तब्ध
<p>काठमाडौं। कम्तीमा फाइनल खेल्ने लक्ष्य लिएको नेपाली महिला भलिबल टोली आज पुनः एकपटक भारतसँग निरीह बनेको छ।</p>
<p>प्रतियोगिताको दोस्रो खेलमा नेपालले आज भारतलाई ३-० को सोझो सेटमा नतिजा सुम्पिएको हो।</p>
<p>पहिलो सेटमा नेपालले २४-२२ को स्थितिमा पनि नतिजा आफ्नो पक्षमा पार्न सकेन।</p>
<p>नेपालले पहिलो सेटमा भारतलाई २६-२४ को नतिजा सुम्पियो।</p>
<p>पहिलो सेट जित नजिक पुगेर पनि पराजित भएपछि नेपाली टोलीले दोस्रो सेटमा झनै लय गुमायो।</p>
<p>शुरूबाटै हाबी बनेको भारतले दोस्रो सेट २५-१२ ले आफ्नो पक्षमा पार्‍यो।</p>
<p>२-० ले अग्रता बनाएको भारतले तेस्रो सेट पनि २५-१६ ले आफ्नो पक्षमा पार्‍यो।</p>
<p>जितसँगै भारतले अन्तिम चारको सम्भावना बलियो बनाएको छ।</p>
<p>भारतले अब भाेली, १३ मंसीरमा बंगलादेशविरूद्ध खेल्नेछ।</p>
<p>नेपालले हिजाे, ११ मंसीरमा भएकाे उद्घाटन खेलमा बंगलादेशलाई ३-० को सेटमा पराजित गरेको थियो।</p>
<p>खेल एकपक्षीय बनाएको नेपालले बंगलादेशलाई २५-९, २५-९, २५-११ ले हराएको थियो।</p>
प्रतिक्रिया दिनुहोस्
.jpg)
