Others

गृहपृष्ठ

लिम्पियाधुरासँगै सुस्ताको पनि सीमा समस्या समाधान गर्छौं- सञ्चारमन्त्री बाँस्कोटा काठमाडौं। सञ्चार तथा सूचना प्रविधिमन्त्री गोकुल बाँस्कोटाले सरकारले लिम्पियाधुुरासँगै सुस्ताको पनि सीमा समस्या समाधान गर्न चाहेको बताएका छन्।  आज सञ्चार मन्त्रालयमा आयोजित कार्यक्रममा उनले सरकारले लिम्पियाधुराको विषयमा भारतलाई कूटनीतिक ‘नोट’ पठाइसकेको जानकारी पनि दिए।  बाँस्कोटाले लिम्पियाधुरासँगै सुस्ताको सीमा समस्याको पनि कूटनीतिक र राजनीतिक रूपमा समाधान गर्न पहल गर्ने बताए। नेपालले कालापानी तथा लिम्पियाधुरा सम्बन्धी नेपाल पक्षका ऐतिहासिक दस्तावेज, कागज–पत्र प्रमाण जुटाएर तथ्यगत आधारमा वार्ता गरिने पनि बताए।  पत्रकार सम्मेलनमा मन्त्री बाँस्कोटाले सीमा समस्याबारे अध्ययन गर्न गठित समितिले तीन महिनाभित्र आफ्नो प्रतिवेदन दिने जानकारी दिए।