हात्तीको आक्रमणबाट झापामा वन हेरालुको मृत्यु
<p>झापा। झापामा हात्तीको आक्रमणबाट आज एक वन हेरालुको मृत्यु भएको छ।</p>
<p>कचनकवल–७, बालुवाडीस्थित पाथिभरा सामुदायिक वनका हेरालु ५५ वर्षीय काया राया क्षेत्रीलाई हात्तीले आक्रमण गरेको झापा प्रहरी प्रवक्ता डीएसपी महेन्द्रकुमार श्रेष्ठले जानकारी दिए।</p>
<p>मानववस्तीमा हात्ती आउन नदिन बनाइएको सौर्य विद्युतीय बारको ढोका लगाउने क्रममा साँझ साढे ६ बजे क्षेत्रीलाई जंगली हात्तीले आक्रमण गरेको श्रेष्ठको भनाइ छ।</p>
<p>क्षेत्रीले हरेक दिन बिहान सो विद्युतीय बारको ढोका खोल्ने र साँझपख बन्द गर्ने गर्थे।</p>
<p>आज ढोका बन्द गर्न ढिला भएकाले हात्तीले आक्रमण गरेको हुन सक्ने प्रहरीले जनाएको छ।</p>
प्रतिक्रिया दिनुहोस्
.jpg)
