Others

गृहपृष्ठ

ग्यास बुलेटमा दुई अर्ब डुब्यो काठमाडौं। भारतीय पक्षको आनाकानीले नेपाली ग्यास व्यवसायीको झन्डै दुई अर्ब रुपैयाँ डुबेको छ। संविधान जारीलगत्तै भारतले लगाएको नाकाबन्दीबाट 'पाठ' सिकेर तत्कालिन केपी शर्मा ओली सरकारले भारतबाट ग्यास आयात गर्न आफ्नै ढुवानी गर्ने साधन बुलेट राख्ने निर्णय गरेको थियो। बुलेट निर्माण गर्दा दुईतिहाई छुटसमेत दिइएको थियो। सरकारले उपलब्ध गराएको सुविधाका कारण हौसिएका ग्यास व्यवसायीले आयल निगमबाट ७७२ वटा बुलेटका लागि अनुमति पाए। उनीहरुले एक थान बुलेटका लागि नगद १५ हजारका दरले एक करोड १५ लाख ८० हजार रुपैयाँ निगममा धरौटीबापत बुझाएका थिए।  अनुमति लिएकामध्ये ५५ वटा बुलेट निर्माण भएर तीन वर्षदेखि थन्किएका छन्। ५३ वटा बुलेट भारतका हरियाणा, राजापुर, बडौंदा, पुणे र दिल्लीमा छन्। बाँकी दुई बुलेट नेपाल भित्रिए पनि सञ्चालनमा आउन सकेका छैनन्। राजधानीस्थित टाटा मोटर्सको आधिकारिक विक्रेता सिप्रदीमा ५० करोड अग्रिम भुक्तानी गरी व्यवसायीले थप ४०९ वटा बुलेट बुकिङ गरेका छन्। बुकिङ भएका च्यासिस भने व्यवसायीले ल्याएका छैनन्। च्यासिस खरिदसहित एउटा बुलेटको निर्माणमा ७० लाख रुपैयाँ खर्च भएको समाचार आजको अन्नपूर्ण पोस्ट् दैनिकमा छ।