सैनिकको अपराध पनि अब प्रहरीले अनुसन्धान गर्ने
<p>काठमाडौं। सैनिकबाट हुने अपराध अनुसन्धान गर्ने अधिकार अब प्रहरीले पाएको छ। </p>
<p>सैनिक इलाकाभित्र हुने अपराध मात्रै सैनिक अदालतले हेर्नेछ। </p>
<p>यसअघि सैनिक संलग्न हत्या र बलात्कार मुद्दा मात्रै अनुसन्धान गर्ने अधिकार प्रहरीलाई थिजयो। अन्य अपराधमा सैनिक अदालत नै फेसला गर्दै आएको थियो। </p>
<p>सर्वोच्च अदालतको एक फैसलाका आधारमा सैनिक अदालतको अधिकार कटौती भएको हो।</p>
<p>०७४ मा गैँडाको खागसहित पक्राउ परेका सैनिक कृष्णबहादुर मगरले हालेको बन्दी प्रत्यक्षीकरण रिटमा सर्वोच्चले गरेको फैसलामा यो नजिर स्थापित गरेको आजको नयाँ पत्रिकामा समाचार छापिएको छ। </p>
<p>१७ माघ २०७४ मा दुई सैनिकसहित तीनजलाई प्रहरीको केन्द्रीय अनुसन्धान ब्यूरो (सीआइबी) ले गैँडाको खागसहित लैनचौरबाट पक्राउ गरेको थियो।</p>
<p>पक्राउ पर्नेमध्ये कृष्णबहादुर मगर र हरिबहादुर ढकाल सैनिक जवान थिए। उनीहरूलाई प्रहरीले सैनिक प्रहरीको जिम्मा लगाएको थियो। </p>
<p>पछि उनीहरूविरुद्ध जिल्ला वन कार्यालयले मुद्दा चलाएकोमा पुर्पक्षका लागि जेल चलान भएका थिए। </p>
<p>जिल्ला अदालतको आदेशलाई उच्च अदालतले समेत सदर गरेपछि मगरले मुद्दा सैनिक अदालतले हेर्नुपर्ने माग गर्दै सर्वोच्चमा बन्दी प्रत्यक्षीकरणको रिट हालेका थिए। </p>
<p>तर, ५ असार २०७५ मा सर्वोचचा न्यायाधीशद्वय चोलेन्द्रशमशेर राणा र आनन्दमोहन भट्टराईको इजलासले प्रत्यक्ष रूपमा सैनिकसँग सम्बन्धितबाहेकका मुद्दा नियमित अदालतको क्षेत्राधिकार भएको फैसला गरिदियो। </p>
प्रतिक्रिया दिनुहोस्
.jpg)
