Others

गृहपृष्ठ

ब्राउन सुगरसहित दुई किशोरी र एक युवक पक्राउ कैलाली।  जिल्ला प्रहरी कार्यालय कैलालीले गएराति लागु औषध ब्राउन सुगरसहित दुई महिला र १ पुरुषलाई पक्राउ गरेको छ । धनगढी उपमहानगरपालिका-१ स्थित होटल पुष्पान्जलीको कोठा नम्बर ७०१ बाट ३ ग्राम ७६० मिलिग्राम लागु औषध ब्राउन सुगरसहित उनीहरुलाई पक्राउ गरिएको हो। धनगढी-५ का इन्द्रजीत धामी (२८), धनगढी ८ कि एलिसा तामाङ (१८) र बाजुरा त्रिवेणी नगरपालिका-३ घर भई धनगढी उपमहनगरपालीका-१ बस्ने मोनिका थापा (१९) लाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्षकुमार बस्नेतले जानकारी दिए ।   बस्नेतले ब्राउन सुगरको कारोबार भैरहेको सुचना प्राप्त भएपछि होटेलमा छापा मारेर उनीहरुलाई पक्राउ गरिएको बताए।