पर्यटकीय गन्तव्यबारे जानकारी दिन इलाममा 'कल सेन्टर'
<p>इलाम। भोलि, १४ मंसीरबाट शुरू हुन लागेको प्रथम सूर्योदय महोत्सवमा इलामको सूर्योदय नगरपालिकाले ‘कल सेन्टर’को स्थापना गरेको छ।</p>
<p>पर्यटकलाई विभिन्न क्षेत्रमा भ्रमण तथा खान र बस्नका लागि सहज होस् भनी ‘टोल–फ्री’मार्फत् जानकारी गराउने उद्देश्यले कल सेन्टरको स्थापना गरिएकाे हो।</p>
<p>सूर्योदय र सूर्यास्तको दृश्यावलोकनका लागि देशकै प्रमुख गन्तव्य मानिएको यस नगरपालिकामा पहिलोपटक आयोजना गरिएको महोत्सव १८ मंसीरसम्म सञ्चालन हुनेछ।</p>
<p>ट्रोल–फ्री सञ्चालन गरिसकेपछि नगरभित्र रहेका सबै होटल, घरवासबारे सूचना दिने गरी नगरपालिकाले कल सेन्टरको व्यवस्था गरेको नगरपालिकाका प्रमुख रणबहादुर राईले बताए। </p>
<p>महोत्सवमा आएका पर्यटकलाई अप्ठ्यारो नपरोस् भनेर यस्तो व्यवस्था मिलाइएको उनको भनाइ छ।</p>
प्रतिक्रिया दिनुहोस्
.jpg)
