'ए डिभिजन लिग'को नयाँ सिजन शुरू हुँदै
<p>काठमाडौं। मछिन्द्र र ब्रीगेड ब्वाईज क्लबबीचको खेलबाट शहीद स्मारक 'ए' डिभिजन लिग फुटबलको नयाँ सिजन शुरू हुँदैछ।</p>
<p>अखिल नेपाल फुटबल संघ (एन्फा) ले आज सार्वजनिक गरेको खेलतालिका अनुसार २०७६ को नयाँ सिजन २८ मंसीरबाट शुरू हुनेछ।</p>
<p>उद्घाटनका दिन एक खेल मात्र हुनेछ।</p>
<p>दोस्रो दिनबाट २/२ खेल हुनेछन्।</p>
<p>३ फागुनसम्म चल्ने लिगका सबै खेल दशरथ रंगशालामा हुनेछ।</p>
<p>२०७२ को भूकम्पपछि पहिलो पटक रंगशालामा फुटबल फर्किन लागेको हो।</p>
<p>लिगमा १४ क्लबले प्रतिस्पर्धा गर्नेछन्।</p>
<p>लिगमा कुल ९१ खेल हुनेछन्।</p>
<p>प्रत्येक राउण्डमा सात खेल हुनेछन्।</p>
<p>गत सिजन एन्फाले लिगको मर्मलाई मारेर रेलिगेशनको प्रावधान हटाएको थियो।</p>
<p>यसपटक भने रेलिगेशन हुने एन्फाले जनाएको छ।</p>
<p>गत सिजन लिगको पुछारमा रहेका दुई टोलीको यस सिजनमा क्रमशः २ र १ अंक काटिनेछ।</p>
<p>गत सिजन लिगकाे पुछारमा न्युरोड टीम (एनआरटी) र मछिन्द्र क्लब थिए।</p>
<p>रेलिगेशनबिना गरिएको लिगको उपाधि मनाङ मर्स्याङ्दी क्लबले जितेको थियो।</p>
प्रतिक्रिया दिनुहोस्
.jpg)
