अर्घाखाँचीमा भएकाे बस दुर्घटनाको छानबिन समिति गठन
<p>अर्घाखाँची। अर्घाखाँचीको नरपानीमा १९ जनाको ज्यान जाने गरी ११ मंसीरमा भएको बस दुर्घटनाकाे छानबिन गर्न समिति गठन गरिएको छ।</p>
<p>समितिले १५ दिनभित्र आफ्नो प्रतिवेदन प्रस्तुत गर्नेछ।</p>
<p>जिल्ला प्रशासन कार्यालय अर्घाखाँचीमा प्रमुख जिल्ला अधिकारी विजयराज पौडेलको अध्यक्षतामा बसेको सर्वपक्षीय बैठकले दुर्घटनाको कारण पत्ता लगाउन सहायक प्रजिअ विष्णुराज वेल्वासेको संयोजकत्वमा ९ सदस्यीय छानबिन समिति गठन गरेको हो।</p>
<p>समितिको सदस्यमा सन्धिखर्क नगरपालिका, जिल्ला ट्राफिक कार्यालय, जिल्ला सरकारी वकिल कार्यालय, डिभिजन सडक कार्यालय शिवपुर, पश्चिम नेपाल यातायात प्रालि, देउराली यातायात प्रालिका एक–एकजना सदस्य रहनेछन्।</p>
<p>त्यस्तै सन्धिखर्क नगरपालिका–६ का वडाध्यक्ष र पत्रकार महासंघका अध्यक्ष वा निजले तोकेको प्रतिनिधि सदस्य रहनेछन्।</p>
<p>तीव्र गतिका कारण दुर्घटना भएको प्रारम्भिक अनुमान गरिए पनि घटनाबारे विस्तृत अनुसन्धान छानबिन समितिले गर्नेछ।</p>
प्रतिक्रिया दिनुहोस्
.jpg)
