खप्तड क्षेत्रमा हिमपात
<p>डाेटी। सुदूरपश्चिमको प्रमुख पर्यटकीयस्थल खप्तड क्षेत्रमा हिमपात भएको छ।</p>
<p>हिमपातका कारण एकाएक चिसो बढेको छ।</p>
<p>हिमपात भएसँगै वन्यजन्तु तथा खप्तड आसपासका स्थानीयवासीलाई समस्या भएको खप्तड राष्ट्रिय निकुञ्जका सहायक संरक्षण अधिकृत प्रकाशबहादुर शाहले बताए।</p>
<p>“हिजाे रातिदेखि बाक्लो हिमपात भएको छ,” उनले भने।</p>
<p>खप्तडसँगै जिल्लाका उच्च हिमाली भेगहरू देउताल, केदार, गुनडमा पनि हिमपात भएको स्थानीयवासीले जानकारी दिएका छन्।</p>
<p>हिमाली भेगमा हिमपात शुरू भएसँगै जिल्लामा चिसो बढेको छ।</p>
<p>यहाँका उच्च लेकाली भेगमा हिमपातसँगै तल्लो क्षेत्रमा पानी पर्न थालेको छ। <em>रासस</em></p>
प्रतिक्रिया दिनुहोस्
.jpg)
