कानूनमन्त्री यादवले भने– ‘न्यायाधीश नियुक्ति सिफारिस कानूनविपरीत’
<p>काठमाडौं। उपप्रधान एवं कानून, न्याय तथा संसदीय मामिलामन्त्री उपेन्द्र यादवले उच्च अदालतमा न्यायाधीश नियुक्तिका लागि गरिएको सिफारिस कानूनविपरीत भएको बताएका छन्।</p>
<p>आज मन्त्रालयमा सञ्चारकर्मीसँग कुरा गर्दै यादवले हालै उच्च अदालतहरूमा भएको न्यायाधीश नियुक्तिको सिफारिसप्रति असहमति जनाएका हुन्।</p>
<p>तत्कालीन कानूनमन्त्री भानुभक्त ढकाल सम्मिलित न्यायपरिषद् बैठकले उच्च अदालतमा १५ जना न्यायाधीश नियुक्तिका लागि सिफारिस गरेकाे थियाे। </p>
<p>४ मंसीरमा बसेको न्यायपरिषद्को बैठकले उच्च अदालतको न्यायाधीशका लागि जिल्ला न्यायाधीशबाट ९ जना, न्याय सेवाबाट एक र अधिवक्ताहरूबाट पाँचजना सिफारिस गरेको थियो। परिषद्ले रिक्त रहेकाे पदमा १२ जना र पछि रिक्त हुने पदमा तीन जना गरी १५ जना न्यायाधीश सिफारिस गरेकाे थियाे। उपप्रधानमन्त्री यादवले पछि रिक्त रहने पदमा पहिल्यै सिफारिस गर्ने कुनै कानून नरहेकाे भन्दै असहमति जनाएका हुन्। </p>
<p>उपप्रधानमन्त्री यादवले आफू संविधान संशोधनको अजेण्डा लिएर सरकारमा सहभागी भएकाले प्रधानमन्त्रीले छानेर दिएको कानून मन्त्रालयलाई अवसरको रूपमा लिने बताए।</p>
<p> </p>
प्रतिक्रिया दिनुहोस्
.jpg)
