पोखरामा ३ मतदानस्थलमा बम विस्फोट, मतदान जारी
<p>काठमाडौं। कास्कीको पोखरा उपमहानगरपालिकास्थित नयाँबजारको नवप्रभात माध्यमिक विद्यालयस्थित मतदानस्थलमा बम विस्फोट भएको छ।</p>
<p>त्यस्तै अन्य दुई मतदानस्थल नजिकै बम विस्फोट गराइएको छ। </p>
<p>पोखरा-१६ को अर्मला र वडा नम्बर-३३ को भरतपोखरी मतदानस्थल नजिकै विस्फोट भएको छ। </p>
<p>"नवप्रभात माविमा मतदानस्थलमा भएको हो, अन्य दुई ठाउँमा मतदान केन्द्रबाट तीन सय मिटरभन्दा टाढा विस्फोट भएको छ", कास्कीका सहायक प्रमुख जिल्ला अधिकारी श्रीनाथ पौडेलले <em>देखापढी</em>सँग भने। </p>
<p>विस्फोट गराउने समूहको खोजी भइरहेको पौडेलले बताए। </p>
<p>विस्फोटबाट केही क्षति नभएको र अहिले मतदान जारी रहेको गण्डकी प्रदेश प्रहरी प्रमुख डीआईजी विनोद घिमिरेले बताए।</p>
<p>"सुरक्षा मजबुत पारेका छौं, विस्फोटले मतदानलाई केही असर परेको छैन", घिमिरेले भने। </p>
<p>उपनिर्वाचनअन्तर्गत कास्की-२ मा प्रतिनिधिसभा सदस्यको लागि मतदान भइरहेको छ। </p>
<p><br />
</p>
प्रतिक्रिया दिनुहोस्
.jpg)
