पोखरामा फेरि अर्को विस्फोट
<p>काठमाडौं। पोखरामा फेरि अर्को विस्फोट भएको छ।</p>
<p>पोखराको बाटुलीचौरस्थित मतदान केन्द्र नजिक विस्फोट भएको हो।</p>
<p>“मतदान केन्द्रमा होइन, नजिकको झाडीमा विस्फोट भएको हो,” प्रदेश प्रहरी प्रमुख डीआईजी विनोद घिमिरेले देखापढीलाई भने, “अहिलेसम्म भएको विस्फोटले मतदानलाई कुनै पनि असर गरेको छैन।”</p>
<p>योसँगै अहिलेसम्म पोखरामा चार स्थानमा बम विस्फोट भएको छ।</p>
<p>अर्मलामा भेटिएको एउटा बम भने निस्क्रिय पारिएको डिआईजीले बताए। “अहिलेसम्म भेटिएका सबै आईईडी बम हुन्, यसको असर ठूलो हुँदैन,” घिमिरेले भने, “हामी विस्फोटक पदार्थहरू खोजिरहेका छौं।”</p>
<p>यसअघि नयाँबजार, अर्मला र भरतपोखरीस्थित मतदानस्थल नजिकै विस्फोट भएको थियो।</p>
<p>उपनिर्वाचनअन्तर्गत कास्की-२ मा प्रतिनिधिसभा सदस्यको लागि मतदान भइरहेको छ।</p>
प्रतिक्रिया दिनुहोस्
.jpg)
