अहिलेसम्म ५५ प्रतिशत मत खस्यो
<p>काठमाडौं। उपनिर्वाचन अन्तर्गत आज भइरहेको मतदान सकिन झण्डै दुई घण्टा मात्र बाँकी ५५ प्रतिशत मत खसेको छ। </p>
<p>प्रतिनिधिसभाको एक, प्रदेशसभाको तीन र स्थानीय तहतर्फ ४८ पदका लागि ३७ जिल्लामा आज मतदान भइरहेको छ।</p>
<p>सबै क्षेत्रमा शान्तिपूर्ण रूपमा मतदान भइरहेको निर्वाचन आयोगले जनाएको छ। कास्कीमा विस्फोटका घटना भएपनि त्यसले मतदानका कुनै प्रभाव नपारेको आयोगका प्रवक्ता राजकुमार श्रेष्ठले जानकारी दिए। </p>
<p>वडा तहसम्म पनि उपनिर्वाचन भएका कारण कम मतदान भएको भन्न नमिल्ने उनले बताए। </p>
<p>सबैभन्दा धेरै मतदाता सुनसरीको धरान उपहानगरपालिकामा छन्। </p>
<p>प्रतिनिधिसभका लागि उपनिर्वाचन भइरहेको कास्की–२, मा ७१ हजार ८७१, प्रदेशसभाको भक्तपुर–१ ‘क’मा ४५ हजार १५, बाल्गुङ–२ ‘ख’मा ३५ हजार १८४ र दाङ–३ ‘ख’मा ६८ हजार ७१९ मतदाता कायम छन्। </p>
<p>धरान उपमहानगरपालिकामा ९२ हजार ८५३ मतदाता कायम भएको निर्वाचन आयोगले जनाएको छ।<br />
</p>
प्रतिक्रिया दिनुहोस्
.jpg)
