महीनावारीका बेला हुने भेद्भावविरुद्ध मिस नेपाल
<p>काठमाडौं। महीनावारीका बेला हुने भेद्भावविरुद्ध पूर्व मिस नेपालहरूको समूहले अभियान थालेका छन्।</p>
<p>भृकुटीमण्डपमा आज कार्यक्रम गर्दै अभियान शुरू गरिएको हो।</p>
<p>महीनावारीका बेला घरपरिवार/समाजमा हुने भेद्‍भाव, विद्यालयमा शौचालय अभाव, प्याड उपलब्ध नहुने जस्ता कारणले पढाइ नै छाड्नुपर्ने अवस्था कम गर्न अभियान थालेको पूर्व मिस नेपाल सुगारिका केसीले बताइन्।</p>
<p>अभियानबाट संकलन हुने रकमले दुर्गम क्षेत्रका विद्यालयमा स्यानिटरी प्याड वितरण गर्ने र व्यवस्थित शौचालय बनाउने केसीको भनाइ छ।</p>
<p>पूर्व नेपाल सुन्दरीहरूको समूहले मितिनी नामक गैरसरकारी संस्थासँग मिलेर देशभरि यो अभियान सञ्चालन गर्ने भएको छ।</p>
<p>अभियानका क्रममा स्थानीय क्लब तथा आमा समूहलाई समेटेर महीनावारीको समयमा हुने भेद्‍भाव हटाउन जनचेतनामूलक काम गर्ने पूर्व नेपाल सुन्दरी माल्विका सुब्बाले जानकारी दिए।</p>
<p style="text-align:center"><img alt="" height="473" src="https://www.dekhapadhi.com/storage/photos/shares/Social/vlcsnap-2019-11-30-16h53m24s530.png" width="840" /></p>
<p> </p>
प्रतिक्रिया दिनुहोस्
.jpg)
