लोकगायक कुमार बस्नेतलाई ‘लाइफटाइम अचिभ्मेन्ट’ अवार्ड
<p>काठमाडौं। लोकगायक कुमार बस्नेत विन्ध्यवासिनी म्युजिकले प्रदान गर्ने ‘लाइफटाइम अचिभ्मेन्ट’ अवार्डबाट सम्मानित भएका छन्।</p>
<p>हरेक वर्ष प्रदान गरिँदै आइएको लाइफटाइम अचिभ्मेन्ट अवार्ड यस वर्ष लोकगायक बस्नेतलाई प्रदान गरिएको हो।</p>
<p>आज प्रज्ञा प्रतिष्ठानमा गरिएको १०औं विन्ध्यवासिनी म्युजिक अवार्ड वितरण कार्यक्रममा बस्नेतलाई एक लाख नगदसहित सम्मान गरिएको हो।</p>
<p>६ दशकदेखि लोक गीतसंगीतमा स्थापित बस्नेतले थुप्रै चर्चित गीत बजारमा ल्याइसकेका छन्।</p>
<p>समाजका विकृति, विसंगतिलगायत धेरै पक्ष लोकगीतमार्फत् मीठासपूर्ण तरिकाले पस्किन माहिर बस्नेत एउटा कालखण्डका आधुनिक पात्रका रूपमा स्थापित छन्।</p>
<p>बस्नेतको ‘छोरीभन्दा आमा तरुनी लिपस्टिक पाउडरले’, ‘कटर कटरमा’, ‘चन्द्र शम्सेरको बिजुली बत्ती’, ‘धनकुटा हिले’, ‘भात जति खाए पनि’लगायतका गीत चर्चित छन्।</p>
<p>सञ्चय कोषमा तीन वर्ष जागिर गरेर पनि गीतसंगीत क्षेत्रमा सक्रिय बस्नेत प्रेमध्वज प्रधान, लक्ष्मीप्रसाद देवकोटालगायतका हस्तीसँगै काम गरेका थिए।</p>
<p>मुक्तिनाथ विकास बैंकको प्रायोजनमा हरेक वर्ष यो अवार्ड प्रदान गरिँदै आइएको छ।</p>
<p> </p>
प्रतिक्रिया दिनुहोस्
.jpg)
