फाइनलमा पुग्याे भारतीय महिला भलिबल टोली
<p>काठमाडौं। भारतीय महिला भलिबल टोली १३औं दक्षिण एशियाली खेलकुद(साग) को फाइनलमा स्थान बनाएको छ।</p>
<p>भारतले माल्दिभ्सलाई आज ३-० को सेटमा हराउँदै फाइनलमा स्थान पक्का गरेको हो।</p>
<p>गत संस्करणको स्वर्ण पदक विजेता भारतले २५-१४, २५-६, २५-१७ को सेटमा हराएको हो।</p>
<p>पहिलो र दोस्रो सेटमा निरीह बने पनि माल्दिभ्सले तेस्रो सेटमा एक पटक १४-१३ ले अग्रता लिएको थियो। तर, त्यो अग्रतालाई अन्तिमसम्म कायम राख्न नसक्दा माल्दिभ्सले भारतलाई ३-० को सेटमा नतिजा सुम्पियो।</p>
<p>भारतले अब स्वर्ण पदकका लागि नेपाल र श्रीलंकाबीचको विजेतासँग प्रतिस्पर्धा गर्नेछ।</p>
<p>नेपाल र श्रीलंकाबीच आजै खेल हुनेछ।</p>
<p>भारत समूह 'ए' को विजेता टोली हो भने माल्दिभ्स समूह 'बी' को उपविजेता हो।</p>
प्रतिक्रिया दिनुहोस्
.jpg)
