यसरी हुँदैछ १३औं दक्षिण एशियाली खेलकुदको भव्य उद्घाटन (भिडिओसहित)
<p><iframe frameborder="0" height="315" scrolling="no" src="https://www.youtube.com/embed/oEwYvTdtlqI" width="560"></iframe></p>
<p>१५ मंसीर अर्थात् भोलि अपराह्न ४ बजे दशरथ रंगशालामा राष्ट्रपति विद्यादेवी भण्डारीले १३औं दक्षिण एशियाली खेलकुद (साग) को उद्घाटन गर्दैछिन्।</p>
<p>नेपालले तेस्रो पटक आयोजना गर्न लागेको दक्षिण एशियाली खेलकुद महाकुम्भको यो १३औं संस्करणलाई भव्य बनाउन सम्पूर्ण तयारी पूरा भइसकेको छ।</p>
<p>१३ मंसीर साँझ दशरथ रंगशालामा उद्घाटनकाे 'ग्राण्ड रिहर्सल' गरियाे।</p>
<p>सागको १३औं संस्करणमा जम्मा २८ खेल समावेश छन्।</p>
<p>ती खेलमा ३१७ स्वर्ण पदक, ३१७ रजत र ४८१ काँस्य पदकका लागि दक्षिण एशियाका खेलाडीहरूले प्रतिस्पर्धा गर्नेछन्।</p>
<p>कूल दुई हजार ७१५ खेलाडी सहभागी हुने सागको यो संस्करणमा सबभन्दा धेरै नेपाली खेलाडी हुनेछन्।</p>
<p style="text-align:center"><img alt="" height="473" src="https://www.dekhapadhi.com/storage/photos/shares/Sports/1SAG before Opening/sag_opening10.jpg" width="840" /></p>
<p>नेपालबाट ५९६ खेलाडी विभिन्न प्रतिस्पर्धामा सहभागी हुने टुंगो लागेको छ भने दोस्रो ठूलो सहभागिता श्रीलंकाबाट ५६४ जनाको हुनेछ।</p>
<p>त्यसैगरी, भारतबाट ४८७ खेलाडी, भुटानबाट ४७०, पाकिस्तानबाट २६६ र माल्दिभ्सबाट २१६ खेलाडी सहभागी हुनेछन्।</p>
<p>उद्घाटन समारोह तीन घण्टा १४ मिनेटको हुनेछ।</p>
<p>उद्घाटन समारोहमा खेलाडीबाहेक १५ हजार भन्दा धेरै कलाकार तथा अन्य व्यक्तिहरू सहभागी हुनेछन्।</p>
<p>उद्घाटन राष्ट्रपतिबाट हुनेछ। त्यसक्रममा ओलम्पियन दीपक विष्टले ओलम्पिक टर्च बाल्नेछन्।</p>
<p>त्यसैगरी नेपालका भारोत्तोलक कमलबहादुर अधिकारीले मार्चपासमा नेपालको झण्डा बोक्नेछन्।</p>
<p>प्रतियोगिताका खेलहरु काठमाडौंसँगै पोखरा र जनकपुरमा पनि हुनेछन्।</p>
<p>जनकपुरमा कुस्तीका खेल हुनेछन् भने पोखरामा महिला फुटबल, महिला क्रिकेट, आर्चरी, ब्याडमिन्टन, ह्याण्डबल, ट्राथलन, बीच भलिबल र भारोत्तोलनका खेल हुनेछन्।</p>
<p style="text-align:center"><img alt="" height="473" src="https://www.dekhapadhi.com/storage/photos/shares/Sports/1SAG before Opening/sag_opening1.jpg" width="840" /></p>
<p style="text-align:center"><img alt="" height="473" src="https://www.dekhapadhi.com/storage/photos/shares/Sports/1SAG before Opening/sag_opening2.jpg" width="840" /></p>
<p style="text-align:center"><img alt="" height="473" src="https://www.dekhapadhi.com/storage/photos/shares/Sports/1SAG before Opening/sag_opening3.jpg" width="840" /></p>
<p style="text-align:center"><img alt="" height="473" src="https://www.dekhapadhi.com/storage/photos/shares/Sports/1SAG before Opening/sag_opening4.jpg" width="840" /></p>
<p style="text-align:center"><img alt="" height="473" src="https://www.dekhapadhi.com/storage/photos/shares/Sports/1SAG before Opening/sag_opening5.jpg" width="840" /></p>
<p style="text-align:center"><img alt="" height="473" src="https://www.dekhapadhi.com/storage/photos/shares/Sports/1SAG before Opening/sag_opening8.jpg" width="840" /></p>
<p style="text-align:center"><img alt="" height="473" src="https://www.dekhapadhi.com/storage/photos/shares/Sports/1SAG before Opening/sag_opening7.jpg" width="840" /></p>
<p> <iframe frameborder="0" height="315" scrolling="no" src="https://www.youtube.com/embed/oEwYvTdtlqI" width="560"></iframe></p>
प्रतिक्रिया दिनुहोस्
.jpg)
