चोरीको १४ लाख भारतीय रुपैयाँसहित दाङमा एक पक्राउ
<p>दाङ। भारतबाट चोरेर ल्याएको १३ लाख ९१ हजार १७० भारतीय रूपैयाँसहित दाङमा एकजना पक्राउ परेका छन्।</p>
<p>भारत हरियाणा राज्यको चरसीदादरीमा घरेलु काम गर्ने घोराही उप–महानगरपालिका–१२, रतनपुर टिकरीका गोकर्णबहादुर विकलाई दाङ प्रहरीले १३ मंसीर साँझ ८ बजे रतनपुर टिकरीबाटै पक्राउ गरेको हो।</p>
<p>बरामद् गरिएको भारतीय मुद्रामा ५०० दरका एक हजार ८०० थान, २०० का एक हजार ५९९ थान, १०० का एक हजार ५९९ थान, ५० का २०० थान र १० का १४७ थान रहेको प्रहरीले जनाएको छ।</p>
<p>यस्तै नेपाली रूपैयाँमा सटाइएको ५०० दरका १०० थान र एक हजारका २७ थान गरी ७७ हजार नेपाली रूपैयाँ पनि बरामद् गरिएको दाङ प्रहरी प्रवक्ता डीएसपी विनोदविक्रम शाहले जनाएको छ।</p>
<p>पक्राउ परेका विकमाथि अनुसन्धान भइरहेकाे डीएसपी शाहले बताए।</p>
प्रतिक्रिया दिनुहोस्
.jpg)
