सागका लागि त्रिपुरेश्वर–शहीदगेट सडक ‘वान वे’
<p>काठमाडाैं। १३औं दक्षिण एशियाली खेलकुदमा नेपाल प्रहरी, नेपाली सेना र सशस्त्र प्रहरी बल (एपिएफ) गरी १८ हजार बढी सुरक्षाकर्मी परिचालन हुनेछन्।</p>
<p>प्रहरी महानिरीक्षक सर्वेन्द्र खनालले सागको सुरक्षाका लागि सबै प्रबन्ध गरिसकिएको बताए। त्यसैगरी आवागमन सहज बनाउने उपायसमेत अबलम्बन गरिएको उनले बताए।</p>
<p>काठमाडौं उपत्यकामा ट्राफिक व्यवस्थापनका मिलाउन प्रतियोगिताको उद्घाटन र समापनका दिन जोर बिजोर प्रणालीमा सवारीसाधन चलाउने निर्णय गरिएको छ।</p>
<p>दशरथ रंगशालामा खेल हेर्न आउने दर्शकका लागि टुँडिखेलमा पार्किङको व्यवस्था गरिएको छ।</p>
<p>त्यस्तै, त्रिपुरेश्वर–नागस्थान–शहीदगेटलाई ‘वान वे’ बनाइने प्रहरी महानिरीक्षक खनालले बताए।</p>
<p>कालीमाटीबाट सोझै थापाथली जान पाउने, थापाथलीबाट कालीमाटी सोझै जान पाउने, शहीदगेटबाट त्रिपुरेश्वर जान पाउने तर, त्रिपुरेश्वरबाट सुन्धारातर्फ जान नपाउने व्यवस्था गरिएको छ।</p>
प्रतिक्रिया दिनुहोस्
.jpg)
