१३औं साग पुरुष भलिबलः स्वर्णका लागि भारत-पाकिस्तान भिडन्त
<p>काठमाडौं। पाकिस्तानले १३औं दक्षिण एशियाली खेलकुद (साग)को पुरुष भलिबलअन्तर्गत १७ मंसीरमा हुने फाइनलमा भारतसँगको भिडन्त पक्का गरेको छ।</p>
<p>आज बंगलादेशलाई ३-० को सोझो सेटमा पराजित गर्दै पाकिस्तान फाइनलमा प्रवेश गरेकाे हाे।</p>
<p>त्रिपुरेश्वरस्थित राखेपको कभर्ड हलमा भएको खेलमा पाकिस्तानले बंगलादेशविरुद्ध २५-१५, २५-२१, २६-२४ को नतिजा निकालेको हो।</p>
<p>पहिलो सेमिफाइनलमा समूह ‘ए’को विजेता बन्दै अन्तिम चारमा स्थान बनाएको भारतले श्रीलंकालाई ३-१ सेटमा हराउँदै फाइनलमा स्थान बनाएको थियो।</p>
<p>पाकिस्तानले फाइनलमा स्वर्णका लागि साबिक विजेता भारतको सामना गर्नेछ।</p>
<p>घरेलु मैदानमा समूह चरणका खेलमा जितविहीन हुँदै नेपाल प्रतियोगिताबाट बाहिरिसकेको छ।</p>
<p>बंगलादेशविरुद्ध ३-२ सेटमा पराजित नेपाल भारतसँग सोझो सेटमा सीमित भएको थियो।</p>
प्रतिक्रिया दिनुहोस्
.jpg)
