Others

गृहपृष्ठ

हुम्लाको खार्पुनाथ गाउँपालिका उपाध्यक्षमा नेकपाकी शाही निर्वाचित काठमाडौं। हुम्लाको खार्पुनाथ गाउँपालिका उपाध्यक्षका लागि भएको उपनिर्वाचनमा सत्तारूढ नेपाल कम्युनिष्ट पार्टी (नेकपा)का उम्मेद्वार विजयी भएकी छन्।  अन्तिम मतपरिणाम अनुसार नेकपाकी रुपा शाही एक हजार ४५४ मतसहित निर्वाचित भइन्।  उनकी निकटतम प्रतिद्वन्द्वी नेपाली कांग्रेसकी तारा कुमारी शाहीले एक हजार ३८५ मत प्राप्त गरेकी छन्।  राप्रपा संयुक्तका दीपबहादुर शाहीले १० मत पाएका छन्।  ३ हजार ३८७ मतदाता रहेको खार्पुनाथमा २ हजार ८६९ मत खसेको थियो।  २०७४ को निर्वाचनमा खार्पुनाथ गाउँपालिका उपाध्यक्षमा नेपाली कांग्रेसकी सिन्धु हमाल शाही ५९ मतले विजयी भएकी थिइन्।  अघिल्लो निर्वाचनमा पराजित तत्कालीन नेकपा एमालेकी रुपा शाहीलाई नेकपाले अहिले उम्मेद्वार बनाएको थियो। उनी योपटक निर्वाचित हुन सफल भइन्।  तत्कालीन गाउँपालिका उपाध्यक्ष हमालको गत ३ असारमा जीप दुर्घटनामा मृत्यु भएको थियो।