Others

गृहपृष्ठ

ललितपुर महानगरपालिका २८ नम्बर वडाका इञ्जिनियरविरुद्ध भ्रष्टाचार मुद्दा काठमाडाैं। ललितपुर महानगरपालिका-२८ नम्बर वडा इञ्जिनियर महेन्द्र महर्जनविरुद्ध भ्रष्टाचार मुद्दा दायर गरिएको छ। महर्जनविरुद्ध १० हजार रूपैयाँ बिगो मागदाबी गरेर आज अख्तियार दुरूपयोग अनुसन्धान आयोगले विशेष अदालतमा मुद्दा दायर गरेको हो। इञ्जिनियर महर्जनले सेवाग्राहीलाई घर निर्माण सम्पन्न प्रमाण-पत्र लिनका लागि रकम लाग्छ भनी घुस रकम माग गरिरहेको भन्ने उजुरीको आधारमा पुगेको अख्तियारको टोलीले उनलाई पक्राउ गरेको थियो।  उनलाई भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को खण्ड (क) बमोजिम जरिवाना र कैद सजाय मागदाबी गरेर विशेष अदालतमा आरोपपत्र दायर गरिएको अख्तियारका प्रवक्ता प्रदीप कोइरालाले जानकारी दिएका छन्।