तनहुँमा खोरमा पर्यो आक्रमक चिुतवा
<p>काठमाडौं। तनहुँको भान नगरपालिका–३ स्थित कालिका सामुदायिक वनमा थापेको खोरमा एउटा वयस्क चिुतवा परेको छ। </p>
<p>करीब १० वर्ष उमेर अनुमान गरिएको उक्त चितुवा ५० केजी तौलको छ । </p>
<p>वयस्क पोथी चितुवालाई नियन्त्रणमा लिएर चितवन राष्ट्रिय निकुञ्जमा बुझाएको डिभिजन वन कार्यायल तनहुँका प्रमुख केदार बरालले बताए। “आक्रमक चितुवा नियन्त्रणमा लिएर निकुञ्जलाई बुझायौं”, उनले भने। </p>
<p>चितुवाको आक्रमणमा परेर तनहुँको भानु नगरपालिकामा पछिल्लो डेढ वर्षमा मात्रै ६ जना बालबालिकाको ज्यान गइसकेको छ।</p>
<p>आज खोरमा परेको सहित गरी डिभिजन वन कार्यालयले अहिलेसम्म पाँचवटा चितुवालाई यसरी नियन्त्रणमा लिएर अन्यत्र स्थानान्तरण गरेको छ। मंसीरको पहिलो साता एउटा बच्चासहित दुईवटा चितुवा मृत अवस्थामा भेटिएका थिए। </p>
<p>आज नियन्त्रणमा लिएको चितुवा घाइते अवस्थामा छ। त्यसलाई उपचारपछि निकुञ्जमा छाडिनेछ। </p>
<p>खोरमा परेको चितुवा हेर्न सयौंको संख्यामा मानिसहरू भेला भएका र उनीहरूलाई आक्रमणको प्रयास गर्दा फलामको जालीमा ठोक्किएर चितुवा घाइते भएको बरालले जानकारी दिए । </p>
<p style="text-align:center"><img alt="" height="405" src="https://www.dekhapadhi.com/storage/photos/shares/Wildlife/Chituwa in Bhanu Tanahu.jpg" width="720" /></p>
<p> </p>
प्रतिक्रिया दिनुहोस्
.jpg)
