राष्ट्रपति भण्डारीको उद्घोषसँगै भयो १३औं सागको उद्घाटन
<p>काठमाडौं। राष्ट्रपति विद्यादेवी भण्डारीको उद्घोषसँगै १३औं दक्षिण एशियाली खेलकुद प्रतियोगिता (साग)को औपचारिक उद्घाटन भएको छ।</p>
<p>नेपाली भाषामा सम्बोधन गरेकी भण्डारीले भनिन्, "म काठमाडाैं, जनकपुर र पाेखरामा आयाेजना हुने १३ औं दक्षिण एशियाली खेलकुद प्रतियाेगिता शुभारम्भ भएकाे घाेषणा गर्दछु।"</p>
<p>राष्ट्रपति भण्डारीको आगमनसँगै शुरू भएको उद्घाटन समारोहको मार्च पासमा अग्र भागमा सागको मस्कट थियो।</p>
<p>त्यसपछि सागको लोगो लिएर कन्याहरू थिए।</p>
<p>त्यसपछि ओलम्पिक र सात देशको झन्डा लिएर बंगलादेश, भुटान, भारत, माल्दिभ्स, पाकिस्तान, श्रीलंका र नेपालका खेलाडी थिए।</p>
<p>त्यसपछि रेफ्रीहरू मार्च पासमा थिए।</p>
<p style="text-align:center"><img alt="" height="560" src="https://www.dekhapadhi.com/storage/photos/shares/Sports/1@sag opening ceremony/sag_opening marchpass2.jpg" width="840" /></p>
<p>सबै देशको झन्डा अघि लाखे नाच थियो।</p>
<p>स्वयम्भूबाट शुरू भएको ओलम्पिक टर्च लाइट जितबहादुर केसीले बोकेर रंगशाला प्रवेश गरेका थिए।</p>
<p>उनले रंगशाला परिक्रमा गर्ने क्रममा राजेन्द्र भण्डारीलाई हस्तान्तरण गरेका थिए।</p>
<p>भण्डारीले नयना शाक्यलाई हस्तान्तरण गरेका थिए।</p>
<p>नयनाले बैकुण्ठ मानन्धरलाई हस्तान्तरण गरेकी थिइन् </p>
<p>मानन्धरले ओलम्पिक टर्च दीपक बिष्टलाई हस्तान्तरण गरेका थिए।</p>
<p>बिष्टले रंगशालामा ओलम्पिक दीप प्रज्वलन गरेका थिए।</p>
<p><span class="_5yl5"><span>खेलाडीको तर्फबाट तेक्‍वान्दोकी आयषा शाक्यले शपथ लिने भनिए पनि नेपाली क्रिकेट टाेलीका पूर्वकप्तान पारस खड्काले शपथ लिएका थिए।</span></span></p>
<p><span class="_5yl5"><span>शुरूमा पारस खड्काले नेपालको झण्डा बोक्ने भनिएको थियो। पछि ओलम्पिक कमिटीले भाराेत्ताेलक कमलबहादुर अधिकारीले झण्डा बोक्ने निर्णय गरेको थियो।</span></span></p>
<p><span class="_5yl5"><span>उद्घाटन समाराेहमा उपप्रधानमन्त्री ईश्वर पोखरेलले सागले सात राष्ट्रबीच भाइचारा बढाउने विश्वास व्यक्त गरे। </span></span></p>
<p><span class="_5yl5"><span>"हामीले २०१६ मा सागको झन्डा बोकेर आएका थियौं। ओलम्पिक काउन्सिल र राखेपको अथक प्रयासले अहिले यो आयोजना गर्न सफल भएका छौं", पाेखरेलले भने, "अर्को वर्ष हामी भ्रमण वर्ष मनाउनेछौं, त्यसको पूर्वसन्ध्यामा हुन लागेको यो प्रतियोगिताले सहयोग गर्ने विश्वास लिएको छु।"</span></span></p>
<p>राष्ट्रिय खेलकुद परिषद्का सदस्य सचिव रमेशकुमार सिलवालले भूकम्पले सम्पूर्ण संरचना भत्काइदिएकाले समयमै प्रतियाेगिता गर्न चुनाैती रहे पनि सबैकाे लगन र मिहिनेतले याे बिन्दुमा पुग्न सफल भएकाे बताए।</p>
<p><span class="_5yl5"><span>नेपाल ओलम्पिक कमिटी अध्यक्ष जीवनराम श्रेष्ठले आफैंले शुरू गरेको प्रतियोगिताको १३औं संस्करण आयोजना गर्न पाउँदा गर्व लागेको बताए। </span></span></p>
<p><span class="_5yl5"><span>"दक्षिण एशियामा विश्वकै एकतिहाइ जनसंख्या रहेकाले यो मिनि ओलम्पिक पनि हो, भ्रमण वर्षमा तपाईं र तपाईंको परिवारलाई स्वागत गर्न आतुर छौं," उनले भने।</span></span></p>
<p><em>दशरथ रंगशालाबाट <strong>सुजन श्रेष्ठ</strong> र <strong>गाेपेन राई।</strong></em></p>
<p> </p>
<p style="text-align:center"><img alt="" height="560" src="https://www.dekhapadhi.com/storage/photos/shares/Sports/1@sag opening ceremony/sag_opening marchpass3.jpg" width="840" /></p>
<p style="text-align:center"><img alt="" height="560" src="https://www.dekhapadhi.com/storage/photos/shares/Sports/1@sag opening ceremony/sag_opening marchpass4.jpg" width="840" /></p>
<p style="text-align:center"><img alt="" height="560" src="https://www.dekhapadhi.com/storage/photos/shares/Sports/1@sag opening ceremony/sag_opening marchpass5.jpg" width="840" /></p>
<p> </p>
प्रतिक्रिया दिनुहोस्
.jpg)
