कास्की–२ मा नेकपाकी विद्या भट्टराई विजयी
<p>काठमाडौं। प्रतिनिधिसभातर्फ उपनिर्वाचन भएको एकमात्र क्षेत्र कास्की–२ मा सत्तारूढ नेपाल कम्युनिष्ट पार्टी (नेकपा)की उम्मेद्‍वार विद्या भट्टराई विजयी भएकी छन्।</p>
<p>उनले नेपाली कांग्रेसका खेमराज पौडेललाई आठ हजार ४०३ मतान्तरले पराजित गरेकी हुन्।</p>
<p>अन्तिम परिणाम अनुसार अनुसार भट्टराईले २४ हजार ३९४ मत प्राप्त गरेकी छन्।</p>
<p>कांग्रेसका पौडेलले १५ हजार ९९१ मत ल्याए।</p>
<p>निर्वाचित सा‌ंसद भट्टराईले मतदातालाई धन्यवाद दिएकी छन्। सामाजिक सञ्जाल ट्विटरमार्फत उनले मतदातालाई धन्यवाद दिइन्। </p>
<p>२०७४ मा भएको निर्वाचनमा यो क्षेत्रबाट तत्कालीन नेकपा एमालेका रवीन्द्रप्रसाद अधिकारी निर्वाचित भएका थिए। </p>
<p>उनले २७ हजार २०७ मत ल्याएर विजयी हुँदा कांग्रेसका देवराज चालिसे १८ हजार ६६१ मत ल्याएका थिए। </p>
<p>अधिकारीको गत १५ फागुनमा भएको हेलिकप्टर दुर्घटनामा निधन भएपछि कास्की-२ रिक्त थियो।</p>
<p>०७४ को निर्वाचनमा यो क्षेत्रमा ७० हजार ६५१ मतादता थिए भने अहिले ७१ हजार ८७१ मतदाता थिए।</p>
<p>अघिल्लो पटक ४९ हजार ९१३ मत खसेको थियो भने योपटक ४६ हजार ५७५ मत खसेको थियो। </p>
<p> </p>
प्रतिक्रिया दिनुहोस्
.jpg)
