चार महीनामा प्रदेश ३ को पुँजीगत खर्च चार प्रतिशत
<p>काठमाडौं। प्रदेश ३ सरकारले चालु आर्थिक वर्ष २०७६/७७ को लागि बजेट सार्वजनिक गरेको चार महीना बितेको छ। </p>
<p>यो अवधिमा प्रदेश सरकारले जम्मा ४ दशमलब २० प्रतिशत खर्च गरेको छ। </p>
<p>साउनदेखि कात्तिक मसान्तसम्म प्रदेश सरकारले दुई अर्ब एक करोड ७८ लाख ३९ हजार ९६४ रूपैयाँ खर्च गरेको प्रदेश लेखा नियन्त्रक कार्यालयले जनाएको छ। </p>
<p>प्रथम चौमासिकमा प्रदेश सरकारले चालुगततर्फ एक अर्ब ४० करोड ४६ लाख अर्थात् २ दशमलब ७० प्रतिशत मात्र खर्च गरेको प्रदेश लेखा नियन्त्रक हरिप्रसाद उपाध्यायले जानकारी दिए। </p>
<p>चालु आर्थिक वर्षका लागि १ साउनदेखि कार्यान्वयन हुने गरी प्रदेश सरकारले बजेट सार्वजनिक गरेको थियो। </p>
<p>प्रदेश सरकारले चालु आर्थिक वर्षका लागि ४७ अर्ब ६० करोड ८७ लाख रूपैयाँ बजेट सार्वजनिक गरेको थियो।</p>
<p>५१ दशमलब ३९ प्रतिशत अर्थात् २४ अर्ब ४६ करोड रूपैयाँ चालुगत खर्च छुट्याइएकोमा बजेटमा पुँजीगततर्फ ४७ दशमलब ९८ प्रतिशत अर्थात् २२ अर्ब ८३ करोड ९८ लाख रूपैयाँ विनियोजन गरिएको उल्लेख छ।</p>
<p>प्रदेश सरकारले वित्तीय व्यवस्थापनमा ३० करोड रूपैयाँ छुट्याएको आजको नयाँ पत्रिकामा समाचार छ।</p>
प्रतिक्रिया दिनुहोस्
.jpg)
