सिद्धबाबा भनिने कृष्णदास बलात्कार आरोपमा अस्पतालबाट पक्राउ
<p>काठमाडौं। बलात्कार आरोपमा सिद्धबाबा भनिने कृष्णदास गिरी अस्पतालबाट पक्राउ परेका छन्। </p>
<p>सुनसरीको चतरास्थित् आश्रममा बस्दै आएका उनलाई आज बिहान ४ बजे विराट नर्सिङ अस्पतालबाट सुनसरी प्रहरीले पक्राउ गरेको हो। </p>
<p>"पक्राउ पूर्जी जारी भइसकेको थियो त्यसैको आधारमा हामीले गिरफ्तार गरेका हौं", जिल्ला प्रहरी कार्यालय, सुनसरीका डीएसपी विनोद शर्माले भने, "अस्पतालले मुटुको समस्या छ नलानु भनिरहेको थियो।" </p>
<p>प्रहरीले पक्राउ गर्ने खबरसँगै गिरी उपचारका लागि अस्पतालमा भर्ना भएका थिए। </p>
<p>प्रहरीका अनुसार गिरीलाई अदालतबाट आज म्याद थपेर अनुसन्धान प्रक्रया अघि बढाइनेछ। </p>
<p>गिरीविरूद्ध १२ मंसीरमै जिल्ला अदालतमा जबरजस्ती करणीको मुद्दा दर्ता भएको थियो। </p>
<p>गिरीमाथि एक अनुयायीलाई आश्रममा भेट्न बोलाएर बलात्कार गरेको आरोप लागेको छ। </p>
<p>उनी सुनसरीको चतरास्थित आश्रममा बस्दै आएका छन्। </p>
<p>समाधि बसेर ख्याति कमाएका उनले अघिल्लो महीना ती महिलामाथि बलात्कार गरेर आरोप लागेको छ।</p>
प्रतिक्रिया दिनुहोस्
.jpg)
