Others

गृहपृष्ठ

धमाधम खुलेका विद्यालयमा संक्रमण बढ्दै, स्वास्थ्य मन्त्रालय भन्छ- तत्काल नखोल्नू काठमाडौं। कञ्चनपुरको शुक्लाफाँटा नगरपालिका क्षेत्रमा रहेका विद्यालयहरू बिहीबारबाट १० दिनका लागि बन्द गरिएको छ। नगरपालिकाको वडा नम्बर ५ र ६ मा आठ जना कोरोना संक्रमित हुनुका साथै एक जनाको मृत्यु भएपछि आगामी पुस ५ गतेसम्मका लागि पठनपाठन बन्द गरिएको हो। मङ्सिर २५ गतेदेखि लागू हुनेगरी नगर क्षेत्रका सम्पूर्ण विद्यालयको पठनपाठन बन्द गरिएको शिक्षा शाखा प्रमुख टिकेन्द्रप्रसाद भट्टले जानकारी दिए।  “समुदायस्तरमै कोरोना संक्रमण देखिएपछि विद्यालयको पठनपाठन बन्द गरेका हौं। १० दिनपछि अवस्था हेरेर निर्णय गर्छौं,” शिक्षा शाखा प्रमुख भट्टले देखापढीसँग भने।  मङ्सिर १४ गते बसेको नगरपालिकाको कार्यपालिका बैठकले विद्यालयको पठनपाठन सूचारू गर्ने निर्णय गरेको थियो। सोही आधारमा मङ्सिर २१ गतेदेखि नगर क्षेत्रका विद्यालय खुलेका थिए। “निर्णय गर्दा पालिका क्षेत्रमा शून्य संक्रमित थिए। त्यही भएर विद्यालय सूचारू गर्ने निर्णय गरेका थियौं। तर, अहिले गाउँमा संक्रमित देखिएपछि जोखिम बढ्यो,” उनले भने। मङ्सिर १९ गते सुर्खेतमा एक शिक्षकलाई कोरोना पोजिटिभ देखियो। गुर्भाकोट नगरपालिका-४ साहारेमा रहेको जनसेवा आधारभूत विद्यालयका एक शिक्षकलाई पोजिटिभ देखिएपछि विद्यालय बन्द गरियो। <blockquote> कोरोना संक्रमणको सबैभन्दा बढी जोखिम रहेको काठमाडौंमासमेत विद्यार्थीको प्रत्यक्ष उपस्थितिमा नै पठनपाठन भइरहेको छ। शिक्षा मन्त्रालयले भने जोखिमको अवस्था मूल्याङ्&zwj;कन गरेर पठनपाठन गर्न सुझाव दिएको छ। तर, काठमाडौंमा स्थानीय तहले अहिलेसम्म विद्यालय सञ्चालनका लागि अनुमति दिएका छैनन्। </blockquote> दाङमा पनि विद्यालय बन्द हुने क्रम जारी छ। कोरोना संक्रमणको जोखिम कम भएको भन्दै खुलेर पठनपाठन थालेका विद्यालयहरू जोखिम बढ्न थालेपछि धमाधम बन्द हुन थालेका हुन्। यसरी विद्यालय खुल्ने र बन्द क्रम जारी रहँदा विद्यार्थी समस्यामा परेका छन्। कोरोना संक्रमणको सबैभन्दा बढी जोखिम रहेको काठमाडौंमासमेत विद्यार्थीको प्रत्यक्ष उपस्थितिमा नै पठनपाठन भइरहेको छ। शिक्षा मन्त्रालयले भने जोखिमको अवस्था मूल्याङ्&zwj;कन गरेर पठनपाठन गर्न सुझाव दिएको छ। तर, काठमाडौंमा स्थानीय तहले अहिलेसम्म विद्यालय सञ्चालनका लागि अनुमति दिएका छैनन्। <img alt="" src="/uploads/editor/2020-12-11/123038616School-Students2.jpg" /> काठमाडौं महानगरपालिकाले तत्काल विद्यालय सञ्चालन नगर्न अनुरोध गरेको छ। महानगरका शिक्षा विभाग प्रमुख नमराज ढकालले हालसम्म विद्यालय खोल्ने अनुमति नदिइएको बताए।   अनुमतिविना सञ्चालनमा आएका विद्यालयमा कोरोना संक्रमित भएको खण्डमा त्यसको जिम्मेवार स्वयम् विद्यालय हुनुपर्ने उनको भनाइ छ।   विद्यालय खोल्न हतार नगरौं : जनस्वास्थ्यविद्  जनस्वास्थ्यविद्हरूले विद्यालय सञ्चालनमा आएकोप्रति गम्भीर ध्यानाकर्षण भएको जनाएका छन्। जनस्वास्थ्यविद् डा. सरद वन्तले कोरोना संक्रमणको जोखिम अझै कम नभएको भन्दै विद्यालय खोल्न हतार गर्न नहुने बताए। विद्यालय सञ्चालन नगर्दा अहिलेसम्म विद्यार्थीहरू सुरक्षित रहेको भन्दै अहिले नै हतार गरेर सञ्चालन गर्न थालिए त्यसले धेरै जोखिम बढाउने उनको भनाइ छ।   अर्का जनस्वास्थ्यविद् डा. रमेश आचार्यले महामारी पूर्णरूपमा नियन्त्रणमा नआउँदासम्म विद्यालय सञ्चालन गर्न नहुने बताए। सरकारले वैकल्पिक शिक्षण अभ्यास प्रणालीमार्फत पठनपाठन गर्नका लागि विकल्प दिएको भन्दै त्यहीअनुसार अगाडि बढ्नुपर्ने उनको भनाइ छ।   अहिले नै विद्यालय नखोल्नू : स्वास्थ्य मन्त्रालय स्वास्थ्य तथा जनसंख्या मन्त्रालयले अहिले नै विद्यालय नखोल्न अनुरोध गरेको छ। विभिन्न क्षेत्रमा विद्यालय सञ्चालनमा आएको अवस्थामा मन्त्रालयले तत्काल नखोल्न अनुरोध गरेको हो। <blockquote> घरमै बसिरहेका बालबालिकालाई समेत संक्रमण भएको र अहिले विद्यालय खोलेर पठनपाठन गराउँदा संक्रमण बढ्ने प्रवक्ता गौतमको भनाइ छए। यसरी विद्यालय खोल्दा अभिभावकसमेत संक्रमणको जोखिममा पर्ने भन्दै विद्यालय खोल्न हतार नगर्न उनले सरोकारवाला सबैमा अनुरोध गरे। </blockquote> मन्त्रालयका प्रवक्ता प्रा.डा. जागेश्वर गौतमले मन्त्रालयको सिफारिसमा कोभिड-१९ संकट व्यवस्थापन केन्द्र (सीसीएमसी)ले निर्णय गरेपछि मात्र कक्षा सञ्चालन गर्नुपर्ने बताए। आधिकारिक निकायले अनुमति नदिइकन कक्षा सञ्चालन नगर्न उनले सचेत गराएका छन्। घरमै बसिरहेका बालबालिकालाई समेत संक्रमण भएको र अहिले विद्यालय खोलेर पठनपाठन गराउँदा संक्रमण बढ्ने प्रवक्ता गौतमको भनाइ छए। यसरी विद्यालय खोल्दा अभिभावकसमेत संक्रमणको जोखिममा पर्ने भन्दै विद्यालय खोल्न हतार नगर्न उनले सरोकारवाला सबैमा अनुरोध गरे। सरकारले कोरोना संक्रमणको जोखिम बुझेर नै विद्यालय बन्द गरेको भन्दै अहिले नै हतार गरेको खण्डमा त्यसले थप जोखिम निम्तिने मन्त्रालयको भनाइ छ। अहिले विद्यार्थी भर्ना गर्न मात्र मिल्ने तर, कक्षा सञ्चालन गर्न नमिल्ने प्रवक्ता गौतमले बताए। त्यसो त शिक्षा मन्त्रालयले स्थानीय तहको अनुमतिमा विद्यालय सञ्चालन गर्न सक्ने निर्णय गरेको थियो। सोही आधारमा कतिपय स्थानीय तहमा शैक्षिक संस्था खुलेर पठनपाठनसमेत सूचारू भएका छन्।  तर, स्वास्थ्य मन्त्रालयले भने अहिले संक्रमण कम भए पनि जोखिम कम नभएको भन्दै सरकारले निर्णय नगर्दासम्म विद्यालय नखोल्न आग्रह गरेको छ।